Z 2013 hoda zabaroniać prodaž televizaraŭ bieź ličbavych ciunieraŭ
Z 2013 hoda ŭ Biełarusi budzie zabaronieny prodaž televizijnych pryjomnikaŭ, nie abstalavanych ciunierami dla pryjomu ličbavaha televiaščańnia. Ab hetym paviedamiła kansultant upraŭleńnia arhanizacyi handlu i pasłuh Ministerstva handlu Łarysa Kamarova 7 śniežnia na
Ciapier, pavodle jaje słoŭ, u handli možna nabyć čatyry madeli televizaraŭ «Viciaź» ź ličbavymi ciunierami, siem madelej «Haryzonta», a taksama bolš čym 50 madelej zamiežnaj vytvorčaści.
Kamarova patłumačyła, što zabarona na prodaž televizaraŭ bieź ličbavych ciunieraŭ źviazana z abaviazacielstvami Biełarusi ŭ 2015 hodzie poŭnaściu pierajści z anałahavaha na ličbavaje televiaščańnie.
Namieśnik ministra infarmacyi Dźmitryj Šadko adznačyŭ, što da kanca hoda padklučycca da ličbavaha pakieta z vaśmi telekanałaŭ zmoža 94% nasielnictva Biełarusi.
Adnak, jak paviedamiŭ načalnik siektara telebačańnia, radyjosuviazi i radyjoviaščańnia adździeła stratehii raźvićcia ŭpraŭleńnia elektrasuviazi Ministerstva suviazi i infarmatyzacyi Viktar Zajcaŭ, nasielnictva nie hatovaje aktyŭna padklučacca da ličbavaha televiaščańnia ŭ suviazi z vysokim koštam ličbavaj prystaŭki — 450–600 tysiač rubloŭ.
Za 11 miesiacaŭ hetaha hoda, paviedamiŭ kansultant upraŭleńnia bytavoj techniki i elektroniki Ministerstva pramysłovaści Mikałaj Hłazko, nasielnictva nabyło 20 tysiač ličbavych televizijnych prystavak.