Staŭki pa apieracyjach padtrymki likvidnaści bankaŭ pavialičacca da 70% hadavych

Staŭka refinansavańnia Nacyjanalnaha banka z 12 śniežnia 2011 hoda pavyšajecca da 45% hadavych z 40%. Adpaviednaja pastanova numar 564 ad 6 śniežnia 2011 hoda pryniata praŭleńniem Nacyjanalnaha banka, paviedamili va ŭpraŭleńni infarmacyi Nacbanka.

Adnačasova pavialičvajucca pracentnyja staŭki pa apieracyjach padtrymki likvidnaści bankaŭ da 70% u hadavych u adpaviednaści z pratakołam kamiteta pa manietarnaj palitycy Nacyjanalnaha banka ad 6 śniežnia 2011 hoda № 53.

Dalejšaje ŭzmacnieńnie žorstkaści hrašova-kredytnaj palityki abumoŭlena nieabchodnaściu zamacavańnia pazityŭnych tendencyj u płaciežnym bałansie i na valutnym rynku krainy, adznačyli va ŭpraŭleńni infarmacyi. Akramia taho, heta miera daść mahčymaść źnizić inflacyjnyja i devalvacyjnyja čakańni ŭ ekanomicy, što stanie dadatkovym faktaram abmiežavańnia tempaŭ rostu cen.

Nacyjanalny bank pradoŭžyć adsočvać situacyju ŭ ekanomicy i hrašova-kredytnaj śfiery i prymać nieabchodnyja rašeńni ŭ halinie pracentnaj palityki.

Kamientary da artykuła