Vyjšaŭ čarhovy numar «Zapisaŭ BINIM»

Tema numaru – Biełarusy ŭ Niamieččynie.

Heta 34-y numar štohadovika-almanacha, pryśviečany daśledavańniu biełaruskaj emihracyi.

Tema hetaha numaru — Biełarusy ŭ Niamieččynie.

U im drukujucca daśledavańni: Lavona Jureviča «Kraina Dy-Pi: zamaloŭki pobytu i noravaŭ z łahiernych časoŭ», Vitaŭta Kipiela «Moładź u łahierach Dy-Pi», Alesia Marhoviča «Šlach biełaruskich dziaciej u apošniaju vajnu», Barysa Daniluka «Listy pra Ostaŭcaŭ i Dypistaŭ u francuzskaj zonie», Ivonki Surviły «Dy-Pi łahiery ŭ Danii».

Taksama źmieščany listy Antona Adamoviča i pierapiska Ludvika Hałuboviča (Zarečnaha) ź Dźmitryjem Kasmovičam,

a taksama ŭspaminy Juryja Sabaleŭskaha «Biełaruskaja sialanska-rabotnickaja hramada», što ŭ 1960-ja drukavalisia ŭ časopisie brytanskich biełarusaŭ «Abjednańnie». Tut jany pieradrukavanyja z hruntoŭnaj pradmovaj historyka Alaksandra Paškieviča.

U numary taksama źmieščany artykuł Natalli Hardzijenki «Da historyi biełarusaŭ u Miunchienskim instytucie vyvučeńnia SSSR» ź biblijahrafijaj biełaruskich pieryjodykaŭ ustanovy.

Drukujecca padborka materyjałaŭ, pryśviečanych pamiaci miunchienskaha daśledčyka Paŭły Urbana ź jaho ŭspaminami, artykuł Ł.Jureviča pra Jazepa Varonki, a taksama Andreja Blinca «Jašče raz praz Navahradski eskadron Rahuli», u jakim daśledčyk palemizuje z apošnimi daśledavańniami pra rahulaŭcaŭ.

***

«Zapisy BINIM» byli zasnavanyja ŭ 1952 h. u ZŠA. Pieršyja šeść tamoŭ vyjšli ŭ 1952—1954 hh. u Ńju-Jorku, nastupnyja piać — u Miunchienie (1962–1960), Z 12 pa 24-ty vydavalisia ŭŃju-Jorku (1974–1999). Ad 2001 h. (№ 25) «Zapisy BINIM» — sumiesny minska-ńjujorski prajekt.

***

Nabyć "Zapisy" možna ŭ "Akademknizie", Knižnym sałonie (Kalinina, 5), kniharni "Ŭ" (pr. Niezaležnaści, 37a), na knihi.by

Kamientary da artykuła