U Niderłandach pabudavali most Majsieja
Most raźmieščany nižej za ŭzrovień vady. Jon litaralna padzialaje vadajom na dźvie častki.
Architektary vykanali niaprostuju zadaču. Im udałosia stvaryć nieabchodnuju dla turystaŭ pierapravu i pry hetym nie parušyć kancepcyi histaryčnaha pomnika XVII stahodździa Fort De Rovere. Zdalok most sapraŭdy nie bačny. Zaŭvažyć možna chiba hałovy naviedvalnikaŭ, jakija tyrčać z vady.
Most nazvali imiem biblejskaha praroka Majsieja, pierad jakim cudoŭnym čynam rasstupiłasia Čyrvonaje mora.
Aŭtary sučasnaha «cudu» — śpiecyjalisty z kampanii Ro&Ad Architecten.
Most zrobleny sa śpiecyjalna apracavanaj draŭniny, jakaja prasłužyć nie mienš za 50 hadoŭ. Padčas daždžu lišniaja vada ściakaje ŭ dadatkovyja kanavy pa bakach rova, dziakujučy čamu most zastajecca suchim.
Niderłandskaja asacyjacyja architektaraŭ pryznała «Most Majsieja» najlepšaj pabudovaj 2011 hoda, paviedamlaje Miembrana.ru