Łukašenka: Budzie stabilna ŭ hetaha «miadźviedzia rasijskaha» — i nam budzie narmalna

Kali tolki zvaruchniecca Rasija, jak heta było ŭ kancy minułaha stahodździa, ciažka budzie i nam».

«Budzie narmalna, stabilna ŭ hetaha „miadźviedzia rasijskaha“ — i nam budzie narmalna. Kali tolki zvaruchniecca Rasija, jak heta było ŭ kancy minułaha stahodździa, ciažka budzie i nam», — zajaviŭ Alaksandr Łukašenka 26 kastryčnika na sustrečy z udzielnikami pasiadžeńnia Savieta Parłamienckaj asamblei ADKB u Minsku.

Pavodle źviestak pres-słužby, Łukašenka pažadaŭ rasijskamu boku paśpiachova prajści pieradvybarny etap: «U splacieńni palityčnych momantaŭ nieabchodna vytrymać, vydužać, tamu što my bačym, jaki nakat ciapier idzie na kiraŭnictva Rasijskaj Fiederacyi, i vy heta hodna vytrymlivajecie. Ale my razumiejem, što my ŭ rynkavaj ekanomicy, i heta zaŭsiody to na finansy, to na ekanomiku ŭździejničaje, to adtok kapitału, to ludzi pačynajuć kidacca siudy-tudy, my heta pieražyvali.

Tamu daj boh, kab Rasija heta hodna vytrymała, tamu što naša kroŭnaja ŭ hetym zacikaŭlenaść, usich respublik».

Łukašenka zajaviŭ, što čakaje sur`ioznych rašeńniaŭ ad pasiadžeńnia Savieta kalektyŭnaj biaśpieki ADKB u śniežni.

Pavodle jaho mierkavańnia, adnym z sur`ioznych pytańniaŭ, jakoje zasłuhoŭvaje detalovaj prapracoŭki, ź`iaŭlajecca vykarystańnie KSAR ADKB. Łukašenka adznačyŭ, što na pieršym etapie ŭdzielniki ADKB nie nadta imknulisia stvaryć realnyja siły apieratyŭnaha reahavańnia. Adnak ciapier jany asnaščany sučasnym abstalavańniem i technikaj. «Kirhizskija padziei pakazali, što my nie zaŭsiody reahujem narmalnym čynam na situacyju, jakaja ŭźnikaje ŭ našych bratoŭ, u našych siabroŭ. Heta padšturchnuła nas da taho, što ŭ nas pavinna być sistema reahavańnia», — skazaŭ biełaruski kiraŭnik, dadaŭšy, što pakul heta sistema dobra nie adładžana.

Łukašenka ličyć, što apošnija padziei ŭ suśvietnaj ekanomicy jašče bolš padšturchnuli dziaržavy da intensiŭnaha, ciesnaha supracoŭnictva. U hetaj suviazi jon adznačyŭ asablivuju rolu ADKB.

Jon zajaviŭ, što jaho piśmy i abahulnieńni, nakiravanyja kiraŭnikam dziaržaŭ paśla niefarmalnaha samitu ŭ Astanie,

«vyklikali burnuju reakcyju va ŭsim śviecie, i najpierš u ZŠA, na Zachadzie i ŭ NATO». «Usio heta było paviešana ŭ čarhovy raz na mianie.

Padčas vystupleńnia jon vykazaŭ upeŭnienaść, što «ŭsie respubliki, jakija siońnia ŭvachodziać u JeŭrAzES, stanuć členami ADKB biez vyklučeńnia». «Navat Uźbiekistan, zajmajučy siońnia asablivuju pazicyju, urešcie zrazumieje, što biez ADKB jamu ciažka budzie zachavać svaju niezaležnaść, — zajaviŭ aficyjny lidar. — Vyrašeńnie hetaha pytańnia ź`iaŭlajecca suvierennaj spravaj Uźbiekistana, i my nie ŭmiešvajemsia. Choć ja niadaŭna prezidentu Rasii svaje mierkavańni nakiravaŭ. Nam treba prymać rašeńnie pa Uźbiekistanie. Tamu što trajnaja hulnia, jakuju siońnia viadzie Uźbiekistan, nie dazvalaje jamu znachodzicca ŭ ADKB».

Uźbiekistan, pavodle słoŭ Łukašenki, dahetul nie ratyfikavaŭ nivodnaha značnaha dakumienta, pryniataha ŭ miežach ADKB, a tolki farmalna zajaviŭ, što nibyta viartajecca ŭ ADKB.

Kamientary da artykuła