Zaviedziena kryminalnaja sprava za kradziež 168 młn. rubloŭ pry padrychtoŭcy da «Dažynak»

Śledčym adździełam papiaredniaha rasśledavańnia Maładziečanskaha RAUS u dačynieńni da dyrektara adnaho z TAA Mahilova raspačata kryminalnaja sprava na padstavie č. 4 art. 210 KK Biełarusi (kradziež šlacham złoŭžyvańnia słužbovymi paŭnamoctvami, učynieny ŭ asabliva bujnym pamiery).

Padčas padrychtoŭki i praviadzieńnia respublikanskaha fiestyvalu-kirmašu pracaŭnikoŭ vioski «Dažynki-2011» unitarnaje pradpryjemstva «Kamunalnik», što ŭvachodzić u strukturu Minskaj abłasnoj ŽKH, zaklučyła dahavory z hetym TAA na 5,67 młrd. rubloŭ i ŭ jakaści avansu za vykanańnie rabot pieraličyła bolš jak 1 młrd. rubloŭ. Bujny kantrakt pryciahnuŭ uvahu pravaachoŭnych orhanaŭ.

Padčas pravierki było ŭstanoŭlena, što mahiloŭskaje TAA nie mieła ŭ svaim štacie rabočych naležnaj kvalifikacyi i nie vałodała adpaviednaj materyjalna-techničnaj bazaj. Na padstavie pradstaŭleńnia Maładziečanskaha RAUS dahavory byli skasavanyja.

Jak paviedamili va UBEZ UUS Minabłvykankama, dyrektar TAA abvinavačvajecca ŭ kradziažy 168 młn. rubloŭ, pieraličanych UP «Kamunalnik» u jakaści avansu. Aprača taho, mahiloŭskaje TAA maje zapazyčanaść pierad «Kamunalnikam» u 600 młn. rubloŭ.

Kamientary da artykuła