Łukašenka: Biełaruś, Rasija, Kazachstan — samyja blizkija dziaržavy ŭ śviecie
AEP nie paźbiehnuć adkrytaj kankurencyi i procidziejańnia.Taki punkt hledžańnia vykazaŭ Alaksandr Łukašenka na sustrečy sa staršynioj mažylisa parłamienta Kazachstana Urałam Muchamiedžanavym.
"U nas adkryvajucca kałasalnyja mahčymaści z pačatkam raboty Adzinaj ekanamičnaj prastory.Viadoma ž, buduć składanaści i ciažkaści, nam nie paźbiehnuć i krytyki, jana ŭžo źjaviłasia, nie paźbiehnuć adkrytaj kankurencyi, procidziejańnia, heta zrazumieła, ale my poŭnyja rašučaści prajści hety šlach dastojna", - skazaŭ kiraŭnik dziaržavy.
Alaksandr Łukašenka padziakavaŭ Kazachstanu za padtrymku Biełarusi na mižnarodnaj arenie. Jon padkreśliŭ, što ŭ dźviuch krain niama razychodžańniaŭ pa pazicyjach mižnarodnaha paradku dnia.
"My samyja blizkija dziaržavy ŭ hetym śviecie, Biełaruś, Rasija i Kazachstan, jakija vyrašyli kinuć vyklik času i stvaryć mocnuju ekanamičnuju intehracyjnuju strukturu, - padkreśliŭ jon. -
Mnohaje ŭ nas ŭžo atrymałasia, navat nie tolki ŭ arhanizacyjnym płanie, ale i ŭ praktyčnym".
Havoračy ab AEP, kiraŭnik dziaržavy adznačyŭ, što heta vielmi mocnaje abjadnańnie, i rola Kazachstana ŭ im vialikaja. Značnuju rabotu ŭ płanie stvareńnia narmatyŭnaj bazy praviali kazachstanskija parłamientaryi. Alaksandr Łukašenka taksama padkreśliŭ vialikuju rolu prezidenta Kazachstana Nursułtana Nazarbajeva ŭ stvareńni AEP i pieradaŭ jamu ciopłyja słovy pryvitańnia.
"Što datyčycca biełaruska-kazachstanskich adnosin, my vyznačylisia pa dziasiatkach prajektaŭ, jakija my realizujem. Jany absalutna realnyja i znachodziacca pad kantrolem. My narmalna ruchajemsia napierad u ich ažyćciaŭleńni. U nas jość čamu pavučycca adzin u adnaho, my tut nie kankurenty, našy ekanomiki ŭzajemadapaŭnialnyja", - padkreśliŭ jon.