Stalinisty źbirajuć hrošy, kab abkleić minski aŭtobus partretami svajho idała

Jany chočuć, kab «stalinobus» kursiravaŭ pa vulicach Minska z 7 listapada.

Błohiery-stalinisty chočuć raźmiaścić na adnym sa staličnych aŭtobusaŭ ci tralejbusaŭ partret Iosifa Stalina. Arhanizatary płanujuć, što tak zvany stalinobus budzie kursiravać pa vulicach Minska, pačynajučy z 7 listapada. Internet-supolnaść, jakaja nazyvaje siabie «Narodnym kamisaryjatam histaryčnaj spraviadlivaści», užo źbiraje hrošy.

Pradstaŭniki «Kamisaryjata» śćviardžajuć, što nie majuć nijakaha dačynieńnia ni da adnoj palityčnaj siły ci partyi, a chočuć danieści svaju pazicyju. Jana vykazana na staroncy adnaho z hałoŭnych arhanizataraŭ «Aŭtobusa pieramohi»: «My chočam padtrymać i adnavić histaryčnuju pamiać i histaryčnuju spraviadlivaść. Naša akcyja — heta akcyja hramadzianskaj supolnaści».

Stalinisty śćviardžajuć, što ŭžo sabrali kala 30 miljonaŭ biełaruskich rubloŭ u ekvivalencie.

Pakul nieviadoma, ci projdzie prajekt uzhadnieńnie z administracyjaj horada.

Kamientary da artykuła