Tozik zmahajecca z pjanstvam
Pra heta zajaviŭ namieśnik prem'jer-ministra Anatol Tozik, vystupajučy 21 kastryčnika na sumiesnym pasiadžeńni abiedźviuch pałat Nacyjanalnaha schodu.
Jon padkreśliŭ, što bolš jak čverć vyklikaŭ chutkaj miedycynskaj dapamohi źviazanyja z ałkaholnym abo narkatyčnym apjanieńniem prama abo apasrodkavana.
Aprača taho, pavodle jaho słoŭ, z pačatku hoda zatrymana bolš jak 30 tysiač niećviarozych vadzicielaŭ; kožny dziasiaty ź ich sieŭ za rul u stanie ałkaholnaha apjanieńnia paŭtorna.
«Nieabchodna na zakanadaŭčym uzroŭni zabiaśpiečyć kampiensacyju ŭsich zatrat na lačeńnie chvarob, źviazanych sa złoŭžyvańniem ałkaholem, za košt samich pjanych, — skazaŭ Tozik. — A ŭ vadzicielaŭ, zatrymanych pjanymi za rulom, pavinny zabiracca vadzicielskija pravy pažyćciova, aŭtamabil — kanfiskoŭvacca ŭ dachod dziaržavy niezaležna ad taho, kamu naležyć — samomu vadzicielu, jaho svajaku ci siabru».
Pavodle jaho słoŭ, u chutkim časie na razhlad Pałaty pradstaŭnikoŭ płanujecca ŭnieści zakonaprajekt, u jakim buduć vykładzieny novyja mietady baraćby z pjanstvam.
U svaju čarhu deputat Uładzimir Zdanovič prapanavaŭ taksama ŭvieści kryminalnuju adkaznaść za prodaž śpirtnoha niepaŭnaletnim. «I nie tolki ŭ dačynieńni da pradaŭcoŭ, ale i tych «dobrazyčliŭcaŭ», jakija niepaŭnaletnim u hetym dapamahajuć», — udakładniŭ jon.