Paśla zatrymańnia 12 krasavika ŭ Kavalova i Kanavałava byli vyjaŭleny cialesnyja paškodžańni
Heta vynikaje z začytanych 6 kastryčnika ŭ sudzie rezultataŭsudova-miedycynskich ekśpiertyz, što pravodzilisia z 13 pa 25 krasavika.
U Kavalova znojdzieny drapiny na padbarodku, kiści, pieradpleččy, kalenie. Zhodna z zaklučeńniem ekśpiertaŭ, jany byli naniesieny ćviordym tupym pradmietam i adnosiacca da katehoryi lohkich cialesnych paškodžańniaŭ. Sam Kavaloŭ na papiarednim śledstvie rastłumačyŭ, što paraniŭsia na pracy i što supracoŭniki pravaachoŭnych orhanaŭ cialesnych paškodžańniaŭ jamu nie nanosili.
U Kanavałava byli vyjaŭleny krovapadcioki na hrudziach, žyvacie i plačy, atrymanyja prykładna tydzień tamu. Razam z tym ekśpierty ŭstanavili, što krovapadcioki i drapiny na ściahnie i bakavoj pavierchni hrudnoj kletki majuć daŭnaść ad adnych da dvuch sutak. Jany atrymany ad uździejańnia tupych pradmietaŭ. Kanavałaŭ najaŭnaść śviežych krovapadciokaŭ i drapin rastłumačyŭ atrymańniem ich pry zatrymańni. Pavodle jaho słoŭ, paśla zatrymańnia siła da jaho nie prymianiałasia.
Siońnia ŭ sudzie byli začytany vyniki prakurorskaj pravierki, praviedzienaj pa inicyjatyvie abaroncy Kanavałava Dźmitryja Lepretora pa fakcie prymianieńnia nasilla niejkim supracoŭnikam orhanaŭ unutranych spraŭ u dačynieńni da Kanavałava. U raspačynańni kryminalnaj spravy prakuratura admoviła «
U materyjałach spravy zaznačajecca, što bajcy śpiecpadraździaleńnia MUS pa baraćbie z teraryzmam «Ałmaz», jakija zatrymlivali Kanavałava i Kavalova, razhladali mahčymaść akazańnia im supraciŭleńnia, u tym liku mahčymaść vybuchu. Tamu prymianieńnie fizičnaj siły było vymušanym.