Pałažanka vyjšła z turmy na Akreścina

Jana adsiadzieła 11 sutak administracyjnaha aryštu za vyviešvańnie nacyjanalnych ściahoŭ.

Sustreć Nastu pryjšoŭ Mikita Lichavid.

30 vieraśnia na volu z turmy na vulicy Akreścina vyjšła namieśnica kiraŭnika «Maładoha frontu» [zarehistravany ŭ Čechii] Nasta Pałažanka. 19 vieraśnia Nastu aryštavali na 11 sutak administracyjnaha aryštu.

Jaje zatrymali razam z byłym palitviaźniem Uładzimiram Jaromienkam, kali jany mielisia vyviesić u Minsku nacyjanalnyja ściahi. Pałažanku i Jaromienka źvinavacili ŭ parušeńni paradku praviadzieńnia i arhanizacyi masavaha mierapryjemstva.

Svaju akcyju jany prymierkavali da 20-j hadaviny abviaščeńnia «Pahoni» i bieł-čyrvona-biełaha ściaha dziaržaŭnymi simvałami Biełarusi. Uładzimira Jaromienku pakarali 12 sutkami aryštu. Na volu jon vyjdzie 1 kastryčnika.

Nasta Pałažanka była asudžanaja za padziei 19 śniežnia na 1 hod pazbaŭleńnia voli z adterminoŭkaj pakarańnia na 1 hod.

Uładzimir Jaromienak pa spravie ab padziejach na Płoščy atrymaŭ 3 hady kałonii ŭzmocnienaha režymu. Byŭ vyzvaleny 13 žniŭnia.

Kamientary da artykuła