Vice-premjer Vialikabrytanii: Kali ŭ Biełarusi praciahnucca represii, JeC uzmocnić sankcyi
Kali ŭ Biełarusi praciahnucca represii, Jeŭrasajuz hatovy adreahavać u adkaz i ŭzmacniać sankcyi, zajaviŭ vice-premjer-ministr Vialikabrytanii Nik Kleh 29 vieraśnia na kanfierencyi Uschodniaha partniorstva ŭ Varšavie.
"Biezumoŭna, kali prezident Łukašenka ŭ adkaz na mižnarodny i ŭnutrany cisk zajaŭlaje, što jon hatovy zrabić niejkija rečy, to jon pavinien vykonvać abiacanaje. Kali jon hetaha nie zrobić, jon jašče bolš paćvierdzić maje padazreńni, što jon nie žadaje pravodzić značnych palityčnych i ekanamičnych reform", — skazaŭ palityk. Jon padkreśliŭ, što ŭ vypadku praviadzieńnia reform Jeŭrasajuz hatovy da pašyreńnia adnosinaŭ ź Biełaruśsiu.
Kleh taksama pryhadaŭ pra šerah akcyj maŭklivaha pratestu ŭ Biełarusi, padčas jakich ludziam na vulicy zabaraniali plaskać u dałoni. "Ciažka ŭjavić, što heta adbyvajecca nie ŭ Paŭnočnaj Karei, a ŭ Biełarusi", — skazaŭ Kleh.
U svaju čarhu jeŭrakamisar pa pytańniach pašyreńnia i palitycy dobrasusiedstva Štefan Fiule adznačyŭ: "Vielmi važna, kab, abmiarkoŭvajučy miery adnosna Biełarusi, Jeŭrasajuz nie zabyvaŭ pra intaresy biełaruskich hramadzian".