Časovy ŭrad Livii dapamoža šukać datyčnych da vybuchu samalota nad Łokierbi

Ministr justycyi časovaha ŭrada Livii Machamied al-Ałahi zajaviŭ, što jon hatovy pracavać z šatłandskimi ŭładami, kab znajści datyčnych da vybuchu samalota nad Łokierbi u 1988 hodzie, akramia adzinaha čałavieka, asudžanaha za vybuch.

«My budziem supracoŭničać u hetym napramku z tymi, chto maje jakija-niebudź fakty, u adpaviednaści ź mižnarodnymi damovami», — dadaŭ jon.

Łajnier amierykanskaj avijakampanii Pan Am byŭ padarvany nad šatłandskim miastečkam Łokierbi u 1988 hodzie,

zahinuli 270 čałaviek. Adzinym asudžanym pa spravie byŭ Miehrachi, jaki vyjšaŭ na volu dva hady tamu paśla taho, jak lekary dyjahnastavali, što jon pamre ad raku prastaty na praciahu dvuch miesiacaŭ.

Jaho vyzvaleńnie vyklikała hnieŭnuju reakcyju ŭ Vialikabrytanii i ZŠA i paproki na adras Łondana ŭ tym, što Miehrachi byŭ vyzvaleny ŭ abmien na abiacańnie režymu Kadafi ab pahłybleńni supracoŭnictva z brytanskaj naftavaj karparacyjaj VR.

U lutym eks-ministr justycyi Livii Mustafa Džalił, jaki staŭ prem'jer-ministram u paŭstanckaj pierachodnaj nacyjanalnaj radzie, zajaviŭ, što

Kadafi asabista addaŭ zahad uzarvać samalot nad Łokierbi ŭ śniežni 1988 hoda.

Kamientary da artykuła