Biełaruś moža pravieści adkryty konkurs pa prodažy MAZa
Ministr pramysłovaści Biełarusi Dźmitryj Kaciarynič nie vyklučaje, što ŭ Biełarusi moža adbycca adkryty konkurs pa vybaru stratehičnaha inviestara dla prodažu aktyvaŭ MAZa.
Ministr padkreśliŭ, što ciapier ekśpiertnaj hrupaj viadziecca acenka aktyvaŭ MAZa, jakaja pavinna zaviaršycca da kanca hoda. «viadziecca niezaležnaja mižnarodnaja acenačnaja kampanija», — padkreśliŭ jon.
Kiraŭnik Minprama dadaŭ, što Biełaruś pakul nie vyznačyłasia ź inviestaram. «My zusim nie vyznačylisia, chto budzie našym inviestaram — KamAZ abo HAZ. Ja liču, budzie konkurs, jaki dapamoža vyznačyć stratehičnaha inviestara». Pry hetym ministr nie vyklučyŭ, što hety konkurs budzie adkrytym.