Siensacyja: padčas restaŭracyi adkryli freski časoŭ Jeŭfrasińni Połackaj

Siarod ich — unikalnyja vyjavy śviatych Barysa i Hleba, a taksama Vacłava Češskaha.

Uładzimir Sarabjanaŭ i navukovy kiraŭnik rabot, biełaruski restaŭratar Juryj Malinoŭski.

Siensacyjnyja adkryćci zroblenyja padčas restaŭracyjnych rabot, jakija viaduć u Spasa-Preabraženskaj carkvie Spasa-Jeŭfrasińnieŭskaha manastyra ŭ Połacku biełaruskija i rasijskija śpiecyjalisty, paviedamlaje BiełTA.

Adkrytyja vyjavy pieršych ruskich śviatych pakutnikaŭ Barysa i Hleba. U hetym nie było b ničoha niezvyčajnaha, kali b nie čas ich vykanańnia — XII stahodździe, trochi bolš za sto hadoŭ paśla kananizacyi. Da hetaha času samyja rannija vyjavy śviatych bratoŭ datavalisia XIII stahodździem.

Jak adznačyŭ hałoŭny mastactvaznaŭca navukova-restaŭracyjnaha mastackaha ŭpraŭleńnia Ministerstva kultury Rasii Uładzimir Sarabjanaŭ,

vyjavy Barysa i Hleba ŭ połackim chramie majuć partretnaje padabienstva. «Jany ličylisia miascovymi śviatymi, tamu vizantyjskim mastakam, što raśpisvali chram, chutčej za ŭsio, pryjšłosia skarystacca nie kananičnymi ikanapisnymi malunkami, tradycyja jakich skłałasia značna paźniej, a partretami, jakija byli ŭ Jeŭfrasińni Połackaj. Prapradzied Jeŭfrasińni Połackaj, Iziasłaŭ, byŭ rodnym bratam Barysa i Hleba.

Nasuprać ściany, dzie adkrytyja partrety Barysa i Hleba, znachodzicca redkaja vyjava śviatoha pakutnika kniazia Viačasłava (Vacłava) Češskaha, hłyboka šanavanaha ŭ Čechii. Połackaja freska — adzinaja vyjava češskaha śviatoha ŭ pravasłaŭnych chramach na terytoryi Biełarusi, Rasii i Ukrainy.

Kamientary da artykuła