Žudasnaja avaryja pad Barysavam: Siamja rasijan zahinuła pry łabavym sutyknieńni z furaj

Muž i žonka i dvoje dziaciej.

Čaćviora hramadzian Rasii zahinuli siońnia pry łabavym sutyknieńni lehkavuški i fury na 459-m km aŭtadarohi Brest — Maskva — hranica RF (M1).

Za rulom lehkavoj Honda z rasijskimi numarami siadzieła žančyna 1975 hoda naradžeńnia. Razam ź joj u mašynie znachodziŭsia muž 1971 hoda naradžeńnia, a taksama syn (2002 hoda) i dačka (1999 hoda). Usie jany byli pryšpileny ramianiami biaśpieki. Pa niezrazumiełych pryčynach

žančyna nie spraviłasia z kiravańniem aŭtamabila i vyjechała na sustrečnuju pałasu,

Rasśledavańniem DTZ zajmajecca Barysaŭski RAUS, a zatym jaho pradoŭžyć śledčaje ŭpraŭleńnie papiaredniaha rasśledavańnia UUS Minabłvykankama.

Nie tak daŭno (21 žniŭnia) u ciažkaj aŭtaavaryi ŭ Bychaŭskim rajonie taksama zahinuŭ hramadzianin Rasii — mužčyna 1976 hoda naradžeńnia. Paźniej u klinikach zahinuli jašče troje rasijan: małaletni pasažyr adnoj z aŭtamašyn, jakija ŭdzielničali ŭ DTZ, — chłopčyk 2000 hoda naradžeńnia, jašče adzin 25-hadovy pasažyr i 27-hadovy vadziciel. Heta trahiedyja adbyłasia na 279-m km aŭtadarohi hranica RF — Viciebsk — Homiel — hranica Ukrainy. Aŭtamašyna Daewoo Nexia, za rulom jakoj siadzieła žančyna 1977 hoda naradžeńnia, vyjechała na pałasu sustrečnaha ruchu, dzie sutyknułasia z aŭtamabilem Nissan X-Trail. Apošni źjechaŭ u kiuviet i pieraviarnuŭsia. Na abiedźviuch mašynach, jakija ŭdzielničali ŭ DTZ, byli rasijskija znaki z numaram rehijonu 98 (Sankt-Pieciarburh). Usie paciarpiełyja i zahinuŭšyja — hramadzianie Rasii.

Kamientary da artykuła