U Biełarusi ciapier možna atrymać drukavanuju zamiežnuju presu ŭ dzień vychadu

Heta stała mahčymym dziakujučy prychodu ŭ krainu suśvietnaha lidara pa raspaŭsiudžvańni haziet i časopisaŭ kampanii NewspaperDirect.

Jak paviedamlaje kampanija «Bielinfacentr», jakaja źjaŭlajecca pradstaŭnikom NewspaperDirect, biełarusam stali dastupnyja śviežyja numary bolš jak 1.700 haziet i časopisaŭ z 94 krain śvietu na 49 movach, u tym liku takija viadomyja suśvietnyja vydańni, jak The Times, Financial Times, The Guardian, The Wall Street Journal.

Raniej drukavanaja presa prychodziła sa spaźnieńniem na niekalki dzion, pakolki jaje pryvozili z-za miažy. Zaraz suśvietnyja vydańni drukujucca pradstaŭnikom NewspaperDirect, kampanijaj «Bielinfacentr», prama ŭ Minsku na ŭłasnym abstalavańni. Śviežyja numary pieryjadyčnych vydańniaŭ dastaŭlajucca biełarusam pa padpiscy ranicaj u dzień vychadu numara ŭ druk. Akramia taho, siońniašniuju hazietu ci apošni numar časopisa možna kupić u roźnicu ŭ mahazinie «Leksis» u Minsku (Zacharava, 21 -- budynak MDŁU).

NewspaperDirect Inc. była zasnavana ŭ 1999 hodzie. Jaje štab-kvatera znachodzicca ŭ Vankuviery (Kanada). Kampanija źjaŭlajecca suśvietnym lidaram pa raspaŭsiudžvańni vydańniaŭ bolš čym z 90 krain. Supracoŭničaje bolš čym z 1.700 vydaviectvami płaniety. Arhanizoŭvaje dastaŭku haziet i časopisaŭ nie tolki pryvatnym asobam pa ŭsim śviecie, ale i ŭ hateli, restarany, biblijateki, na jachty i avijalinii. Kampanija taksama zabiaśpiečvaje dastaŭku śviežych pieryjadyčnych vydańniaŭ padčas maštabnych spartyŭnych i palityčnych mierapryjemstvaŭ, uklučajučy samity G8 i Alimpijskija hulni.

Kamientary da artykuła