Supracoŭniki DAI arhanizavali najlepšuju akcyju pratestu «Stop-bienzin»

Supracoŭniki Dziaržaŭtainśpiekcyi Minska, jakija pierakryli viečaram 21 lipienia niekalki ŭčastkaŭ praśpiekta Niezaležnaści i prylehłych da jaho vulic, sami ž arhanizavali najlepšuju akcyju pratestu.

«Supracoŭniki DAI ŭ hetym vypadku arhanizavali lepšy „Stop-bienzin“, jaki možna było prydumać, — adznačyŭ jon. — Toje, što jany zrabili, — heta niejkaje šou, takoje možna ŭbačyć tolki na niejkich dziaržaŭnych śviatach».

Šarkoŭ vykazaŭ mierkavańnie, što aŭtamabilisty mohuć znoŭ samaarhanizavacca i vystupić z pratestam suprać pavyšeńnia cen na naftapradukty. «Adnak dla hetaha biełaruskim aŭtaamataram patrebna budzie niejkaja važkaja pryčyna — naprykład, čarhovy rezki skačok cen. Tym nie mienš, ja dumaju, što kožny tydzień jany vystupać nie stanuć», — ličyć lidar «Za Aŭto».

Viečaram 21 lipienia ŭ Minsku zatrymali jak minimum čatyroch čałaviek — Dźmitryja Hrynkieviča, Jaŭhiena Sajčuka, Ihara Białova i Juliju Łabcevič. Jany byli dastaŭleny ŭ Centralnaje RUUS Minska.

Nahadajem, viečaram 21 lipienia ŭ Minsku i šerahu inšych biełaruskich haradoŭ prajšła akcyja «Stop-bienzin» suprać čarhovaha pavyšeńnia cen na naftapradukty. Bolš za hadzinu niekatoryja ŭčastki praśpiekta Niezaležnaści byli pierakryty ci rehulavalisia supracoŭnikami DAI. Aŭtamabilistam nie davali masava źbiracca na praśpiekcie, raśsiakajučy patok pa prylehłych vulicach. Udzielnikami akcyi pratestu ŭ centry horada stali nie mienš jak 100 aŭtamabilistaŭ.

Kamientary da artykuła