Pasoł Francyi paraŭnaŭ vialikich viaźniaŭ Bastylii z asudžanymi pa spravie 19 śniežnia
Mišel Reniery pierakanany, što biełaruskija ŭłady pavinnyja vypuścić inšadumcaŭ z turmaŭ.
Pasoł Francyi ŭ Biełarusi Mišel Reniery pierakanany, što biełaruskija ŭłady pavinnyja vypuścić inšadumcaŭ z turmaŭ.
«Historyja pakazvaje, što najaŭnaść inšadumcaŭ u turmach nikoli nie ŭźvialičvaje dziaržavu», — zajaviŭ M. Reniery na ŭračystym pryjomie ŭ honar nacyjanalnaha śviata — Dnia ŭziaćcia Bastylii. Pry hetym jon paraŭnaŭ siońniašnich asudžanych pradstaŭnikoŭ palityčnych partyj i hramadzianskaj supolnaści ź vialikimi viaźniami Bastylii. «Siońnia śviet dobra pamiataje imiony źniavolenych Bastylii: Valter, Bamarše. Ale imiony sudździaŭ historyja zabyła nazaŭsiody!» — skazaŭ francuzski dypłamat.
M. Reniery padkreśliŭ, što «pytańnie prymireńnia ciapier dosyć aktualnaje dla Biełarusi». Pasoł adznačyŭ, što Francyi zaŭsiody ŭdavałasia abjadnoŭvać supraćlehłyja pohlady. «U 1792 hodzie, kali ŭsia Jeŭropa vystupiła suprać francuzskaj revalucyi, my źjadnali ŭsie našy siły, kab vyjhrać bitvu pry Valmi. A paśla zakančeńnia Druhoj suśvietnaj vajny hienierał de Hol adnaviŭ Francyju razam z uradam nacyjanalnaha adzinstva, u jakim byli i kamunisty, i pradstaŭniki pravych sił».
M. Reniery taksama vykazaŭ upeŭnienaść, što «Biełarusi nie varta pierakonvać inšych, što isnuje pahroza jaje dziaržaŭnym miežam».
«Ja liču, što vaša kraina stanie macniejšaj, kali na jaje terytoryi buduć uličvacca ŭsie dumki.
Francyja chacieła b supracoŭničać mienavita z abjadnanaj i prymiranaj Biełaruśsiu», — kanstatavaŭ dypłamat.
Pramova pasła była sustretaja hučnymi i praciahłymi apładysmientami,
na što jon zaŭvažyŭ: «Apładziravać siońnia možna».
Namieśnik načalnika hałoŭnaha ŭpraŭleńnia Jeŭropy MZS Biełarusi Siarhiej Malinoŭski, jaki prysutničaŭ na dadzienym mierapryjemstvie, u zvarotnaj pramovie zajaviŭ, što «naša kraina zacikaŭlenaja ŭ supracoŭnictvie na asnovie ahulnapryniatych mižnarodnych pryncypaŭ, uzajemnaj pavahi, kanstruktyŭnaha dyjałohu, nieŭmiašańnia va ŭnutranyja spravy, na asnovie pavahi da tradycyj, historyi i razumieńnia situacyi histaryčnych pracesaŭ».