U Mahilovie i Babrujsku z-za mocnych daždžoŭ byŭ spynieny ruch transpartu

Mocnyja apadki, što vypali 12 lipienia ŭ Mahiloŭskaj vobłaści, pryviali da časovaha spynieńnia ruchu hramadskaha transpartu ŭ samych bujnych haradach rehijonu.

Pavodle źviestak abłasnoha ŭpraŭleńnia MNS, u Babrujsku z-za daždžu ŭźniaŭsia ŭzrovień vady ŭ race Babrujka. U vynik padtoplenyja 163 pryvatnyja padvorki, u tym liku 34 žyłyja damy i čatyry ŭčastki aŭtadaroh. Na dvuch tralejbusnych maršrutach na paŭtary hadziny byŭ spynieny ruch.

Pavodle źviestak MNS, žyćciezabieśpiačeńnie horada nie parušana. Pa stanie na 6.00 13 lipienia Babrujka ŭvajšła ŭ svajo rečyšča, adnak 64 padvorki zastajucca padtoplenymi.

U Mahilovie ŭ vyniku mocnaha daždžu było padtoplena pierakryžavańnie vulic Pieršamajskaj i Cimirazieŭskaj. Na 55 chvilin byŭ spynieny ruch troch tralejbusnych maršrutaŭ.

Jak paviedamlaje abłasnoje ŭpraŭleńnie MNS sa spasyłkaj na HVA «Biełenierha», na terytoryi Minskaj i Mahiloŭskaj abłaściej byli abiastočanyja 104 nasielenyja punkty, 29 sielskahaspadarčych budynkaŭ, 289 transfarmatarnych padstancyj. Zaraz elektrazabieśpiačeńnie spažyŭcoŭ adnoŭlena.

Kamientary da artykuła