DAI ŭ vychodnyja źviernie ŭvahu na praviły abhonu
Praviłam ździajśnieńnia abhonu i kantrolu za vyjezdam na sustrečnuju pałasu ruchu inśpiektary DAI nadaduć pilnuju ŭvahu na darohach krainy ŭ vychadnyja. Pra heta paviedamili va ŭpraŭleńni Dziaržaŭtainśpiekcyi MUS Biełarusi.
Nie zastanucca ŭbaku pytańni vykanańnia chutkasnych režymaŭ ruchu i praviłaŭ pryšpilvańnia ramianiami biaśpieki. Budzie aktyŭna ŭžyvacca skryty kantrol z vykarystańniem pryboraŭ fota- i videafiksacyi parušeńniaŭ, a infarmacyja pa kanałach
Inśpiektary śpiecpadraździaleńnia DPS «Strała» buduć akazvać dapamohu miascovym adździełam DAI ŭ zabieśpiačeńni biaśpieki darožnaha ruchu padčas praviadzieńnia «Słavianskaha bazaru»,
a taksama buduć adpracoŭvać aŭtadarohi Minsk — Hrodna, Minsk — Maładziečna — Narač, Minsk — Viciebsk.
UDAI MUS nahadvaje, što ŭ vychadnyja dni rezka pavialičvajecca lik vadzicielaŭ, jakija sadziacca za rul u stanie ałkaholnaha apjanieńnia. Z metaj praduchileńnia faktaŭ kiravańnia transpartam u niećviarozym stanie ŭ vychadnyja va ŭsich abłaściach buduć arhanizavanyja adpracoŭki daroh pa taktycy «zvužanaj pałasy».
Za kiravańnie transpartnym srodkam u stanie apjanieńnia vadziciel pryciahvajecca da adkaznaści ŭ vyhladzie štrafu ŭ pamiery ad 15 da 35 bazavych vieličyń (ad 525 tys. da 1 młn. 225 tys. biełaruskich rubloŭ) z pazbaŭleńniem prava kiravańnia transpartnymi srodkami terminam na 3 hady. Kali niećviarozy vadziciel da taho ž nie maje prava kiravańnia, to karajecca štrafam u pamiery ad 25 da 45 bazavych vieličyń (ad 875 tys. da 1 młn. 575 tys.). Za paŭtornaje na praciahu hoda kiravańnie ŭ niećviarozym stanie vadziciel pryciahvajecca da kryminalnaj adkaznaści.