Dźmitryju Usu — 40
Na dzień naradžeńnia jaho etapavali ŭ kałoniju ŭ Mahiloŭ.
10 červienia 40 hadoŭ spoŭniłasiaeks-kandydatu na pasadu prezidenta, palitviaźniu Dźmitryju Usu. Tak supała, što akurat u hety dzień jaho etapavali ŭ kałoniju ŭ Mahiloŭ.
Dźmitryj Us naradziŭsia 10 červienia 1971 u Minsku. Skončyŭ jurydyčny fakultet Hrodzienskaha ŭniviersiteta. Biespartyjny. Žanaty, haduje dvaich dziaciej.
Pracavaŭ rabočym na zavodzie «Intehrał» u Minsku, paźniej — u śfiery budaŭnictva. Z 1992 — dyrektar vydaviectva «Tryvium». U 1999–2003 byŭ deputatam Minskaha haradskoha savieta, zatym na vybarach u 2003 i 2007 jaho nie zarehistravali. U 2010 braŭ udzieł u vybarach u miascovyja Saviety deputataŭ, ale prajhraŭ, nabraŭšy, pavodle źviestak Jarmošynaj, 33% hałasoŭ.
Adzin z kandydataŭ u prezidenty na prezidenckich vybarach u śniežni 2010. Zatrymany ŭ Minsku ŭ noč z 19 na 20 śniežnia paśla masavaj akcyi pratestu. Utrymlivaŭsia ŭ SIZA KDB. Dniom 20 śniežnia vypuščany adtul pad padpisku pra niavyjezd. Doŭhi čas źjaŭlaŭsia padazravanym pa spravie ab masavych biesparadkach. Abvinavačvańnie pa artykule 293 KK pradjaŭlena 18 sakavika 2011 (arhanizacyja masavych biesparadkaŭ).
26 maja sudździa Ludmiła Hračova pryznała jaho vinavatym u arhanizacyi masavych biesparadkaŭ. Us byŭ asudžany na piać z pałovaj hadoŭ źniavoleńnia. Bolej atrymaŭ tolki Mikoła Statkievič.