I kraty pa ŭsim pierymietry miažy
Mahčymaść pašyreńnia biełaruskaha čornaha śpisu ŭ adkaz na śpis ES razhladajecca na ekśpiertnym uzroŭni, zajavili ŭ MZS Biełarusi
Mahčymaść pašyreńnia śpisu nieŭjaznych na terytoryju Biełarusi zamiežnych čynoŭnikaŭ u adkaz na pašyreńnie čornaha śpisu Jeŭrasajuza ciapier razhladajecca na ŭzroŭni ekśpiertaŭ. Pra heta zajaviŭ 26 maja na bryfinhu pres-sakratar MZS Andrej Savinych.
Nahadajem, 24 maja było apublikavana dapaŭnieńnie da śpisu biełaruskich čynoŭnikaŭ, ujezd jakim na terytoryju Jeŭrasajuza zabaronieny. Da 175 dadałosia jašče 13 proźviščaŭ sudździaŭ i prakuroraŭ, jakija ŭdzielničali ŭ sudovych pracesach nad fihurantami spravy ab masavych biesparadkach 19 śniežnia 2010 hoda.
Jak paviedamiŭ pres-sakratar, u vypadku kali biełaruski śpis u adkaz budzie pašyrany, MZS prainfarmuje pra heta hramadskaść.
Nahadajem, 22 sakavika Savinych abjaviŭ, što biełaruski bok raspačaŭ miery ŭ adkaz na sankcyi Jeŭrasajuza i ZŠA i padrychtavaŭ śpis asob, jakim zabaronieny ŭjezd na terytoryju Biełarusi. Pavodle jaho słoŭ, u śpis "uklučany asoby, jakija pradprymajuć destruktyŭnyja dziejańni ŭ dačynieńni da Biełarusi i nanosiać škodu mižnarodnamu supracoŭnictvu".
Pavodle nieaficyjnaj infarmacyi, jakaja źjaviłasia ŭ kancy sakavika, u śpis uklučana bolš za 150 pradstaŭnikoŭ Jeŭrasajuza i ZŠA. U ich liku — kiraŭnik Jeŭraparłamienta Ježy Buziek, viadomy svaimi rezkimi zajavami ŭ adras aficyjnaha Minska, i inšyja vysokapastaŭlenyja čynoŭniki.