Futboł. Antybiełaruski dzień u Jeŭropie

Kłuby, dzie hulajuć biełarusy, pakidajuć vyšejšyja dyvizijony svaich krain.<

Kłuby, dzie hulajuć biełarusy, pakidajuć vyšejšyja dyvizijony svaich krain.

Najbolšy abłom z Anhlijaj. Dva biełarusy na ŭsiu prem'jer-lihu, i dva ich kłuby pakidajuć elitu brytanskaha futboła.

«Błekpuł» Siarhieja Karnilenki prajhraŭ u haściach 19-razovamu čempijonu Anhlii «Mančestar Junajted» 2:4 (biełarusa nie było ŭ zajaŭcy), a «Birminhiem» Alaksandra Hleba sastupiŭ 1:2 «Totenchiemu» (Hleb traŭmavany).

U vyniku «Birminhiem» zaniaŭ 18-je miesca, «Błekpuł» — 19-je i razam z 20-m «Uest Chemam» jany pakidajuć prem'jer-lihu, kab na leta hulać u taksama niesłabym čempijonšypie.

Alaksandr Hleb byŭ addadzieny ŭ arendu «Barsiełonaj» uletku. Pravioŭ za «Birminhiem Sici» roŭna pałovu, 19 matčaŭ (1 100 chvilinaŭ), zabiŭ u prem'jer-lizie 1 miač, zrabiŭ dva halavyja pasy. Jaho pastajanna pieraśledavali traŭmy.

Siarhiej Karnilenka byŭ addadzieny 31 studzienia «Błekpułu» ŭ arendu «Zienitam». Zhulaŭ usiaho ŭ šaści matčach (ahułam 182 chviliny): ni hałami, ni asistenckimi pasami nie vyznačyŭsia ŭ prem'jer-lizie.

Vybyŭ z ukrainskaha vyšejšaha dyvizijona i «Sievastopal», u jaki ŭzimku pierajšoŭ eks-varatar BATE Siarhiej Vieramko. U apošnim tury jaho kłub prajhraŭ u krymskim derbi «Taŭryi» 0:1 i ciapier pakidaje vyšejšuju lihu.

Jašče raniej italjanskuju sieryju «A» daterminova pakinuŭ «Bary», za jaki hulaje Vital Kutuzaŭ.

Kamientary da artykuła