Katu pad chvost: Na fanackaj elektryčcy ŭ Barysaŭ jechali ŭsiaho 19 zaŭziataraŭ

Biełaruskaja čyhunka vydzieliła na hulnia BATE — «Minsk» śpiecyjalny ciahnik z 10 vahonaŭ.

Na matč 10-ha tura čempijanatu krainy pa futbole BATE — «Minsk» (1:1) Biełaruskaja čyhunka arhanizavała admysłovy elektraciahnik dla prychilnikaŭ staličnaj kamandy pa maršrucie Minsk — Barysaŭ — Minsk.

Sastaŭ adpraviŭsia sa stancyi «Minsk-Pasažyrski» ŭ 17:50 i prajšoŭ da Barysava biez prypynkaŭ.

Praŭda, pasažyraŭ u elektryčcy apynułasia miakka kažučy nie husta. Pavodle dakładnych padlikaŭ, u dziesiaci vahonach znachodzilisia 19 fanataŭ «Minska», čatyry supracoŭniki milicyi i dva pradstaŭniki ŚMI.

Kamientary da artykuła