Vosieńniu buduć nazvanyja łaŭreaty pieršaj Nacyjanalnaj teatralnaj premii

Łaŭreaty pieršaj Nacyjanalnaj teatralnaj premii buduć vyznačanyja vosieńniu, paviedamiła BiełaPAN pres-sakratar Ministerstva kultury Hanna Smolskaja.

Pavodle jaje słoŭ, zaklučny konkursny etap pa vyznačeńni łaŭreataŭ Nacyjanalnaj teatralnaj premii adbudziecca padčas adkryćcia teatralnaha siezona 2011–2012 hadoŭ. Naprykancy vieraśnia zapłanavana praviadzieńnie konkursnaha tydnia, na praciahu jakoha na viadučych teatralnych placoŭkach stalicy buduć pakazanyja śpiektakli-naminanty.

Na zaklučnym etapie konkursu buduć vyznačany pieramožcy ŭ siami naminacyjach: «Lepšy śpiektakl», «Lepšaja režysiorskaja rabota», «Lepšaja mužčynskaja rola», «Lepšaja žanočaja rola», «Lepšaja rabota mastaka-pastanoŭščyka», «Lepšaje muzyčnaje afarmleńnie śpiektakla» i «Lepšaja sučasnaja biełaruskaja pastanoŭka».

Nacyjanalnaja teatralnaja premija zasnavana Ministerstvam kultury sumiesna z hramadskimi abjadnańniami «Biełaruski sajuz teatralnych dziejačaŭ», «Biełaruski sajuz kampazitaraŭ» i «Biełaruski sajuz litaraturna-mastackich krytykaŭ» dziela padtrymki ajčynnaha teatralnaha mastactva i zaachvočvańnia teatralnych dziejačaŭ, što pakazali najbolš jarkija vyniki svajoj tvorčaj pracy na praciahu 2009–2010 hadoŭ.

Kamientary da artykuła