Biełarus zabiŭ cud-hoł z 51 mietra — videa

Hoł staŭ sapraŭdnym upryhožvańniem čarhovaha tura čempijanatu Polščy.

Hoł Michaiła Sivakova, zabity z adlehłaści 51 mietr, staŭ sapraŭdnym upryhažeńniem čarhovaha tura čempijanatu Polščy. Trenier krakaŭskaj «Visły», za jakuju vystupaje biełarus, Robiert Maaskant nazvaŭ Sivakova «vialikim» futbalistam.

Biełaruski paŭabaronca vyjšaŭ na zamienu na 86-j chvilinie haściavoha matču svajho kłuba z hdańskaj «Lechijej», u zajaŭcy na hulniu jakoj nie było biełaruskaha forvarda Alaksandra Sazankova, a ŭžo praz chvilinu, pierachapiŭšy miač u centry pola, pasłaŭ jaho «za kaŭnier» bramnika kamandy z Hdańska, ustalavaŭšy kančatkovy lik 3:0.

«Tolki vialikija futbalisty mohuć tak zabić, i Sivakoŭ takim futbalistam budzie», — zajaviŭ na paślamatčavaj pres-kanfierencyi hałoŭny trenier krakaŭskaj kamandy.

Za piać turaŭ da finišu «Visła» lidziruje ŭ čempijanacie Polščy z 47 bałami. Biełastockaja «Jahiełonija», što idzie na 2-m miescy, sastupaje 6 punktaŭ.

Michaił Sivakoŭ byŭ addadzieny ŭ arendu krakaŭskamu kłubu italjanskim «Kaljary» ŭ studzieni 2011 hoda.

Kamientary da artykuła