U «Biełarusbanka» skončylisia navat biełaruskija rubli?

28.04.2011 / 16:29

Jaŭhien Vasilkoŭ

Hałoŭny bank krainy prypyniŭ kredytnyja vypłaty pa zaklučanych damovach na lhotnaje budaŭnictva — «Niama hrošaj».

Hałoŭny bank krainy prypyniŭ kredytnyja vypłaty pa zaklučanych damovach na lhotnaje budaŭnictva — «Niama hrošaj».

U «Biełarusbanka» skončylisia navat biełaruskija rubli. Z banalnym adkazam «niama hrošaj» sutyknulisia hramadzianie, jakija ŭdzielničajuć ŭ dolevym budaŭnictvie z pryciahnieńniem ilhotnaha kredytu. Hetyja vypłaty (zvyčajna 3–10 miljonaŭ štomiesiac) pravodziacca ŭ pačatku miesiaca, ale ŭ krasaviku hrošy ŭsio jašče niepieraviedzienyja.

Supracoŭniki banka tłumačać, što

raniej srodki vydzialalisia z unutranych reziervaŭ banka, a ciapier «Biełarusbank» čakaje, pakul inšyja struktury daduć dazvoł na vydaču hrošaj.

Takaja praterminoŭka źjaŭlajecca parušeńniem kredytnych damovaŭ. U bolšaści vypadkaŭ za jaje buduć raspłačvacca sami dolščyki — nieapłačanaja častka kredytu štomiesiac pavialičvajecca na indeks budaŭnična-mantažnych prac. U hetym miesiacy jon składaje bolš za 3%. Takim čynam,

kali bank nie pieravodzić abiacanyja 10 miljonaŭ, dolščyki buduć vymušanyja dapłacić bolš za 300 tysiač rubloŭ.

Pres-słužba «Biełarusbanka» nie abviarhaje i nie paćviardžaje hetuju infarmacyju. Karespandentu «NN» paraili źviarnucca ŭ arhanizacyju ź piśmovym zapytam i praz zakonnyja dziesiać dzion atrymać adkaz.

Čytajcie taksama:

Kamientary da artykuła