«Manreal» i Andrej Kaścicyn vybyli z Kubka Stenli

«Manreal Kanadyjens» prajhraŭ u siomym matčy 1/8 finału Kubka Stenli «Bostanu Bruinz» i vybyŭ z rozyhryšu trafieju.

Siońnia ŭnačy «Chabs» sastupili "miadźviedziam" u oviertajmie 3:4 (1:1, 1:0, 1:1, 0:1).

Andrej Kaścicyn pravioŭ na placoŭcy 19 chvilin 35 siekundaŭ, zrabiŭ try kidki, šajbaŭ ci halavych pasaŭ nie zrabiŭ, zatoje zarabiŭ 2 chviliny štrafu, 0 pa sistemie ±.

Kaścicyn-starejšy ciapier moža dałučycca da zbornaj Biełarusi, jakaja zaŭtra biare start u čempijanacie śvietu pa chakiei ŭ Słavakii.

Ale ŭ Kubku Stenli praciahvajuć baraćbu dva biełarusy: Rusłan Salej (Detrojt) i Siarhiej Kaścicyn (Nešvił).

1/4 finału Kubka Stenli:

Zachodniaja kanfierencyja: Vankuvier — Nešvił (pieršy matč siońnia nočču); Detrojt — San-Chase;

Uschodniaja kanfierencyja: Vašynhton — Tampa, Bostan — Fiładelfija.

Biełarusy ŭ Kubku Stenli 2010/2011

Siarhiej Kaścicyn (Nešvił) — 6 matčaŭ, 4 (0+4) bały, +1 po ±, 0 min. štrafa;

Andrej Kaścicyn (Manreal) — 6 matčaŭ, 2 (2+0) bały;

Rusłan Salej (Detrojt) — 4 matčy, 1 (1+0) bał.

Kamientary da artykuła