Džud Łou i Kievin Śpiejsi ŭ Biełaruskim maršy svabody na vulicach Łondana

U brytanskaj stalicy prajšła najbolš jaskravaja za apošnija hady akcyja ŭ padtrymku biełaruskich palitviaźniaŭ.

U paniadziełak u Łondanie adbyłasia badaj što najbolš jaskravaja akcyja ŭ padtrymku demakratyi ŭ Biełarusi za apošnija hady.

A piataj hadzinie natoŭp pravaabaroncaŭ u paru socień čałaviek shurtavalisia pierad ofisam piar-firmy Grayling, jakaja akazvaje pasłuhi ŭ pryciahnieńni inviestycyj u Biełaruś. Udzielniki mitynha zajavili, što kuplajučy pradpryjemstvy ŭ Łukašenki, zachodnija inviestary dapamahajuć macavać dyktatarski režym u Biełarusi.

Było zapatrabavana nieadkładna vyzvalić usich biełaruskich palityčnych viaźniaŭ.

U padtrymku palityčnych vystupili halivudskija aktory Džud Łoŭ i Kievin Spejsi. Pramaŭlała kiraŭnička biełaruskaha «Svabodnaha teatra» Natalla Kalada, a taksama Iryna Bahdanava, siastra Andreja Sańnikava.

Paśla hetaha kałona na čale z Džudam Łoŭ i Kievinam Spejsi rušyła ŭ kirunku parłamienta. Šeście pad bieł-čyrvona-biełymi ściahami i partretami biełaruskich palitviaźniaŭ raściahnułasia na niekalki socień mietraŭ. Takoha Łondan, napeŭna, jašče nie bačyŭ.

Paśla nievialikaha mitynha pierad parłamientam, hrupa aktyvistaŭ prajšła ŭ budynak Parłamienta Vialikabrytanii. U hałoŭnaj zali parłamienckich słuchańniaŭ Džud Łoŭ i Mikałaj Chalezin na dźviuch movach syhrali śpiektakl «Pakaleńnie Jeans».

Džud Łoŭ

Džud Łoŭ i Kievin Spejsi

Kievin Spejsi

Džud Łoŭ

Džud Łoŭ i Mikałaj Chalezin

Kamientary da artykuła