Ivaškieviča abvinavačvajuć u drobnym chulihanstvie
Da suda jon budzie na Akreścina.
Viktara Ivaškieviča abvinavacili ŭ drobnym chulihanstvie. Jaho zatrymali ŭčora padčas akcyi na Dzień Voli. Milicyjaniery Zavodskaha RUUS kala čatyroch hadzin railisia sa svaim kiraŭnictvam i narešcie skłali pratakoł na palityka.
Pavodle rapartaŭ śpiecnazaŭcaŭ, Ivaškievič «razmachvaŭ rukami, hučna łajaŭsia i niepadparadkoŭvaŭsia zakonnym patrabavańniam supracoŭnikaŭ milicyi». Palityka da suda buduć trymać troje sutak u turmie, što na vulicy Akreścina.
Mikołu Dziemidzienku taksama nie adpuścili ź milicyi. Bolš za piać hadzin pratrymali jašče niekalki čałaviek. Heta daje padstavy mierkavać, što suprać ich skłali administracyjnyja pratakoły i da suda buduć trymać na Akreścina.