Pucin asudziŭ Zachad za vajennaje ŭmiašańnie ŭ Liviju
Pucin asudziŭ Zachad za vajennaje ŭmiašańnie ŭ Liviju, uśled za Kadafi uspomniŭšy pra «kryžovyja pachody».
Premjer-ministr Rasii Uładzimir Pucin asudziŭ rezalucyju Rady biaśpieki AAN pa Livii, nazvaŭšy jaje «niedaskanałaj», i zajaviŭ, što jana «nahadvaje siaredniaviečny zaklik da kryžovych pachodaŭ».
"Rezalucyja Rady biaśpieki źjaŭlajecca niepaŭnavartasnaj i niedaskanałaj, jana dazvalaje ŭsio i nahadvaje siaredniaviečny zaklik da kryžovych pachodaŭ. Faktyčna jana dazvalaje ŭvarvańnie ŭ suvierennuju krainu», - skazaŭ Pucin, razmaŭlajučy z rabočymi na Votkinskim zavodzie.
Adrazu paśla rašeńnia Rady biaśpieki AAN pa Livii Muamar Kadafi taksama nazvaŭ mižnarodnuju vajennuju apieracyju «kryžovym pachodam».
Na dumku Pucina, palityka ZŠA pa ŭmiašańni ŭ kanflikty ŭ inšych krainach stanovicca ŭstojlivaj tendencyjaj, u jakoj "niama ni sumleńnia, ni łohiki». Słovy premjera cytuje RIA «Naviny».
Premjer vykazaŭ dumku, što režym u Livii nie adpaviadaje zachodnim standartam demakratyi, adnak «nikomu nie dadziena prava ŭmiešvacca va ŭnutrypalityčnyja kanflikty».
Staršynia urada Rasii adznačyŭ, što padziei ŭ Livii śviedčać ab tym, što Rasija pryniała pravilnaje rašeńnie ŭmacoŭvać abaranazdolnaść.