Viasna zamacoŭvajecca — u bližejšyja dni soniečna i ciopła

Pavodle prahnozu Respublikanskaha hidramieteacentra, u najbližejšyja sutki ŭ Biełarusi čakajecca pieramiennaja vobłačnaść. U asnoŭnym biez apadkaŭ, tolki miescami pa Bresckaj i Hrodzienskaj abłaściach nievialikija apadki (mokry śnieh, doždž).

U Minsku zaŭtra nievialikaja vobłačnaść, biez apadkaŭ. Nočču i ranicaj na asobnych učastkach daroh hałalodzica. Viecier paŭdniova-ŭschodni 4–9 m/s, paryvy da 12 m/s. Tempieratura pavietra nočču minus 4–6°S, dniom plus 2–4°S.

U nastupnyja dvoje sutak, 19–20 sakavika, vobłačna z prajaśnieńniami. 19 sakavika miescami pa zachodniaj pałovie karotkačasovyja apadki (mokry śnieh, doždž). Nočču i ranicaj u asobnych rajonach tuman, na darohach hałalodzica. Viecier paŭdniova-ŭschodni, paŭdniovy 5–10 m/s. Tempieratura pavietra nočču minus 5 — plus 2°S, pa ŭschodzie minus 6–11°S; dniom plus 2–8°S, pa poŭdni da plus 10°S.

20 sakavika miescami, pieravažna pa ŭschodniaj pałovie, karotkačasovyja apadki (mokry śnieh, doždž). Nočču i ranicaj u asobnych rajonach tuman, na darohach hałalodzica. Viecier paŭdniovy ź pierachodam na paŭnočna-zachodni 4–9 m/s. Tempieratura pavietra nočču minus 4 — plus 3°S, dniom plus 2–8°S, miescami pa paŭdniovym uschodzie da plus 10°S.

Kamientary da artykuła