Akciabraty. Druhoje pryšeście
Delehaty Respublikanskaha źlotu pijanieraŭ z zachapleńniem uspryniali rašeńnie ab viartańni małodšym pijanieram nazvy "oktiabriata".
U Biełarusi ŭ najbližejšy čas budzie pryniata novaja symbolika pijanierskaj arhanizacyi. Pra heta karespandentu BIEŁTA raspaviała, kamentujučy vyniki 18-ha Respublikanskaha źlotu HA "Biełaruskaja respublikanskaja pijanierskaja arhanizacyja», jaho staršynia Natalla Abraviec. Źlot prachodziŭ 2-3 śniežnia na bazie Nacyjanalnaha dziciačaha azdaraŭlenčaha lahiera "Zubrania".
Delehaty z zachapleńniem uspryniali rašeńnie ab viartańni małodšym pijanieram nazvy «oktiabriata", raskazała Natalla Abraviec. Jana padkreśliła, što siońnia pijanierskaja arhanizacyja abaraniaje intaresy i pravy svaich siabraŭ, dapamahaje dziciaci stać hramadzianinam, vučyć spravami i ŭčynkami prynosić karyść. "Pijanier dapamahaje Ajčynie, rodnaj pryrodzie, imkniecca zrabić układ u palapšeńnie navakolnaha asiarodździa, nie baicca ciažkaściaŭ», – skazała Natalla Abraviec. Arhanizacyja nia tolki praciahvaje najłpiešyja tradycyi pijanierskaha ruchu, ale i napaŭniaje svaju dziejnaść aktualnym źmiestam, paśpiachova ŭvasablaje ŭ žyćcio novyja prahramy i prajekty, sadziejničaje realizacyi intelektualnaha i tvorčaha patencyjału dziaciej.
U pracy 18-ha Respublikanskaha źlotu HA "Biełaruskaja respublikanskaja pijanierskaja arhanizacyja» ŭziali ŭdzieł delehacyi ad abłasnych savietaŭ dziciačaj arhanizacyi, Centralnaj rady BRPA i CK BRSM. Na źlot u «Zubrania» byli taksama zaprošanyja veterany dziciačaha i moładzievaha ruchu, pradstaŭniki dziaržorhanaŭ, dziciačych i moładzievych hramadzkich abjadnańniaŭ krainy i krainaŭ blizkaha zamiežža.
U hetyja dni ŭ lahiery prajšła vialikaja pijanierskaja hulnia "Pionierija včiera, siehodnia, zavtra…", haściej aznajomili z najcikaviejšymi kutkami lahiera, žyćciom u ich biełaruskich dziaciej i padletkaŭ.