Mer Miensku zahadaŭ źnizić enerhaspažyvańnie na 10%
Vystupajučy siońnia na aperatyŭnym pasiedžańni ŭ meryi, kiraŭnik haradzkoj administracyi matyvavaŭ takoje zadańnie sytuacyjaj, što składvajecca na rynku enerhanośbitaŭ.
Staršynia Mienharvykankamu Michaił Paŭłaŭ daručyŭ raspracavać prahramu pa źnižeńni ŭ 2007 h. enerhaspažyvańnia na 10%
Vystupajučy siońnia na aperatyŭnym pasiedžańni ŭ meryi, kiraŭnik haradzkoj administracyi matyvavaŭ takoje vysokaje zadańnie sytuacyjaj, što składvajecca na rynku enerhanośbitaŭ. "Pry hetym źmianšeńnie spažyvańnia enerhietyčnych resursaŭ u takim abjomie pavinny dasiahnuć usie subjekty haspadarańnia niezaležna ad formy ŭłasnaści», – skazaŭ Michaił Paŭłaŭ.
Staršynia Mienharvykankamu rasparadziŭsia stvarać rabočuju hrupu ŭ składzie specyjalistaŭ Mienskaha haradzkoha upraŭleńnia pa nahladzie za racyjanalnym vykarystańniem paliŭna-enerhietyčnych resursaŭ (PER) i RUP «Mienskenerha» i pryniać hety dakument na pasiadžeńni vykankamu.
Jak paviedamiŭ načalnik ŭpraŭleńnia pa nahladzie za racyjanalnym vykarystańniem PER Hienadź Dźmitryjeŭ ahulny ajujom spažyvańnia PER u Miensku składaje 3,8 młn.t umoŭnaha paliva. Adpaviedna dla dasiahnieńnia skaračeńnia enerhaspažyvańnia na 10% ŭ nastupnym hodzie ŭ stalicy spatrebicca aščadzić 380 tys. ton umoŭnaha paliva.