Dla padačy padatkovych dekłaracyj zastałosia dziesiać dzion
Dekłaracyju možna adpravić i praź internet.
Praź dziesiać dzion zaviaršajecca padača padatkovych dekłaracyj pra sukupny prybytak za 2010 hod. U adpaviednaści z Zakonam Respubliki Biełaruś «Ab padachodnym padatku ź fizičnych asob» dekłaracyju pra prybytki, atrymanyja ŭ 2010 hodzie, abaviazany pradstavić fizičnyja asoby — padatkovyja rezidenty Biełarusi, jakija atrymali padatkaabkładajemyja prybytki.
Padatkaabkładańniu padlahajuć prybytki, atrymanyja ad inšych fizičnych asob, atrymanyja za miažoj i (ci)
Padatkovymi rezidentami Biełarusi pryznajucca fizičnyja asoby, jakija znachodzilisia na terytoryi krainy bolš za 183 dni kalandarnaha hodu.
Taksama dekłaracyju mohuć pradstavić fizičnyja asoby, jakija majuć prava na atrymańnie padatkovych vylikaŭ.
Dekłaracyja moža być pradstaŭlena ŭ padatkovy orhan asabista ci praz pradstaŭnika. Jaje možna adpravić pa pošcie z vopisam układańnia ci pieradać z dapamohaj prahramnych ci techničnych srodkaŭ.
Kab padać dekłaracyju praź internet, treba prajści śpiecyjalnuju rehistracyju na sajcie Ministerstva pa padatkach i zborach.Dakładnaja instrukcyja znachodzicca tut.
Siarod patrabavańniaŭ — kampjutar sa srodkami kryptahrafičnaj abarony dla adpraŭleńnia elektronnaha podpisu.