Chronika represij i supracivu za 15-20 listapada
Handlovaja firma «Eŭraopt» zvolniła z pracy specyjalista pa reklamie i merčendajzinhu, aktyvista BSDP(H) Maksima Kaścieviča, kali jon vyrašyŭ balatavacca ŭ deputaty.
15 listapada: Sud nad PKB adkłali
Maskoŭski sud Bieraścia aštrafavaŭ za Dzień salidarnaści, naładžany ŭ kastryčniku Andreja Šarendu (50 bazavych vieličyniaŭ), Anatola Jermaka (30 b.v.), Hannu Biersan, Jurja Boŭbiela, Kaciarynu Bielskuju (pa 20 b.v. kožnaha).
Viarchoŭny sud adkłaŭ razhlad pazovu Minjustu da PKB nakont prypynieńnia dziejnaści partyi – da zakančeńnia vybaraŭ u miascovyja saviety.
Handlovaja firma «Eŭraopt» zvolniła z pracy specyjalista pa reklamie i merčendajzinhu, aktyvista BSDP(H) Maksima Kaścieviča, kali jon vyrašyŭ balatavacca ŭ deputaty.
16 listapada: Dzień salidarnaści
Sud Centralnaha rajonu Miensku nie zadavoliŭ pazoŭ PKB pra abaronu dziełavoj reputacyi, skiravany na adras KPB i jaje hazety «Kommunist Biełoruśsii. My i vriemia» za artykuł pra «ŭźjadnaŭčy» źjezd partyi. Sud pastanaviŭ, šot adbyvajecca palityčnaja dyskusija.
U Miensku na vakzale pierad pačatkam akcyi "Dzień salidarnaści" zatrymanyja moładzievyja aktyvisty Źmicier Chviedaruk, Siaržuk Humilin, Nadzieja Klimovič, Kryścina Šacikava, Volha Žuraŭlova. Paźniej tamsama zatrymali 9 udzielnikaŭ akcyi salidarnaści i fotakarespandentaŭ Juliju Darašiekvič, Siarhieja Hryca, Vasila Fiadosienku i Alaksieja Maciuškova. Žurnalistaŭ paśla pravierki dakumentaŭ adpuścili. Na zatrymanaha Alaksandra Ściepanienku pahražali skłaści pratakoł pra «supraciŭ rabotnikam milicyi», kali jon nie addaść ličbavy fotaaparat z zdymkami zatrymańnia.
Kala stancyi metro «Maskoŭskaja» zatrymali Ŭsievałada Šašaryna, Kiryłu Šymanoviča, Nadzieju Klimovič, Siarhieja Huminskaha, Natallu Charytaniuk, Uładzimiera Malaŭku, Vijaletu Mikulčyk.
U Horadni na akcyi salidarnaści zatrymali muzyku Stanisłava Pačobuta: nastupnaha dnia jaho asudzili na 5 sutak aryštu. Na znak pratestu aktyvist abviaściŭ haładoŭku.
Padčas Dnia salidarnaści ŭ Viciebsku zatrymali aktyvista PBNF Kastusia Smolikava, žurnalista radyjo «Racyja» Vadzima Barščeŭskaha i pravaabaroncu Leanida Śviecika, u jakich nie było pry sabie pašpartoŭ.
U Homieli na akcyi salidarnaści byli zatrymanyja kala 10 čałaviek, u tym liku zvyčajnyja minaki.
Aŭtamabil Andžeja Lisoŭskaha apiačatali: haradzienski aktyvist Sajuzu palakaŭ u Biełarusi zastajecca padazronym u spravie pra kantrabandu narkotykaŭ.
U Salihorsku «za ździek ź dziaržaŭnaj symboliki» aštrafavali baćkoŭ moładzievych aktyvistaŭ Ivana Šyły, Źmitra Baranoŭskaha j Andreja Tyčyny. Kožny štraf skłaŭ 3 b.v.
Siabra hramadzianskaj inicyjatyvy «Treci šlach» Paŭła Marozava vyklikali ŭ mienskuju prakuraturu j aznajomili z pastanovaj śledztva: jon staŭ padazronym u paklopie na Łukašenku za multfilmy palityčnaha źmiestu.
U Mahilovie sud pryznaŭ zakonnymi dziejańni milicyjantaŭ, jakija ŭletku zatrymali miascovych demakratyčnych aktyvistaŭ za našeńnie sakołak z nadpisam «Nadakučyŭ».
Milicyja admoviłasia raspačynać kryminalnuju spravu pa fakcie apahańvańnia carkvy «Novaje žyćcio».
18 listapada
U dobraachvotnaha raspaŭsiudnika «NN» Uładzimiera Łazarčyka milicyjanty kanfiskavali 48 ekzemplaraŭ hazety. Z Łazarčyka było ŭziataje tłumačeńnie. Hazety, paśla pradastaŭleńnia rehistracyjnych dakumentaŭ «NN», milicyjanty viarnuli.
20 listapada
Pravaabaronca Ŭładzimier Vialičkin atrymaŭ ź Bieraściejskaha harvykankamu admovu na zajaŭku ab praviadzieńni pikietaŭ dla zboru podpisaŭ: jon vyłučajecca kandydatam u deputaty.