Vykazvańni papy ŭ Jehipcie nazvali «ŭmiašalnictvam va ŭnutranyja spravy krainy»
Jehipiet adklikaŭ u aŭtorak dla kansultacyj svajho pasła ŭ Vatykanie paśla niadaŭnich vykazvańniaŭ papy rymskaha Bieniedykta XVI.Pra heta zajaviŭ aficyjny pradstaŭnik MZS ARIE Chusam Zaki.
Pavodle jaho słovaŭ, kiraŭnik dypmisii vyklikany ŭ Kair «uśled za čarhovaj zajavaj Vatykana, jakaja zakranaje Jehipiet i źjaŭlajecca niedapuščalnym umiašalnictvam va ŭnutranyja spravy krainy».
U minuły paniadziełak kiraŭnik
Rymska-katalickaj carkvy zaklikaŭ urady hałoŭnym čynam musulmanskich krain bolš rabić dla abarony chryścijanskich mienšaściaŭ.
Pantyfik iznoŭ asudziŭ niadaŭnija napady na cerkvy, jakija zabrali dziasiatki žyćciaŭ u Jehipcie, Iraku i Nihieryi, pakazaŭšy pry hetym na nieabchodnaść pryniaćcia efiektyŭnych mieraŭ suprać relihijnaj nieciarpimaści.
1 studzienia praź niekalki chvilin paśla nadychodu novaha 2011 hoda ŭ jehipieckaj Aleksandryi la kopckaha chrama prahrymieŭ mahutny vybuch, ad jakoha paciarpieŭ 21 čałaviek. Terakt byŭ ździejśnieny ŭ toj momant, kali vierniki pačali vychodzić z chrama paśla śviatočnaj słužby. Siarod zahinułych byli cełyja siemji, šmat maładych ludziej.
Hety terakt ledź nie pryvioŭ da mižkanfiesijnaha raskołu ŭ krainie. Pa ŭsim Jehipcie prajšła chvala biesparadkaŭ.U sutyknieńniach z musulmanami i palicyjaj tysiačy koptaŭ vykazvali pratest suprać pryhniotu z boku isłamskaj bolšaści.
Jehipieckaja chryścijanskaja abščyna źjaŭlajecca adnoj z najbolš bujnych na Blizkim Uschodzie. U jaje ŭvachodzić kala 10% z 80 młn žycharoŭ ARIE.