U siezonie-2011 u vyšejšaj lizie futbolnaha čempijanatu pa-raniejšamu budzie 12 kamand
U 2011 hodzie ŭ vyšejšaj lizie futbolnaha čempijanatu krainy pavinna zastacca 12 kamand, jakija znoŭ zhulajuć u try kruhi.
Da takoj dumki pryjšli ŭdzielniki kanfierencyi dla trenieraŭ i kiraŭnikoŭ kłubaŭ, što prajšła 22 listapada ŭ Domie futboła, paviedamiŭ na
Pavodle jaho słoŭ, dyskusija ŭźnikła tolki vakoł farmiravańnia par kamand u trecim kruzie, pakolki ŭ cełym jany praviaduć niaroŭnuju kolkaść damašnich i vyjaznych matčaŭ. Bolšaść schilajecca da ślapoha losavańnia, ale jość prapanova vykarystać kłubnyja kaeficyjenty, zaznačyŭ Niavyhłas.
«Biezumoŭna, skaračeńnie vyšejšaj lihi da 12 kamand pavysiła ŭzrovień čempijanatu, tut navat razvažać niama pra što,
— skazaŭ kiraŭnik fiederacyi. — Ale nie tolki adna hetaja miera sadziejničała pavyšeńniu ŭzroŭniu futboła. Nam bačycca hetaja kolkaść aptymalnaj. Asnoŭnaj pryčynaj skaračeńnia lihi byŭ niedachop adpaviednaha ŭzroŭniu hulcoŭ, ź jakimi možna traplać u jeŭraspabornictvy. Hetaja prablema zastałasia, i ŭ hetym niama sumnieńniaŭ».
Dla źmianšeńnia nahruzki na kamandy, jakija pierš za ŭsio hulajuć u jeŭrakubkach, prapanoŭvajecca vyznačać paŭfinalistaŭ Kubka Biełarusi za adzin matč, a nie za dva. Aprača taho, udzielniki jeŭrakubkaŭ atrymajuć prava pačynać novy rozyhryš kubka krainy nie ź pieršaj stadyi.
Abmierkavańnie pierachodu na sistemu
Da kanca 2011 hoda adnosiny pamiž kłubami i fiederacyjaj buduć pieraviedzieny z papiarovaj na elektronnuju asnovu. Z hetaj metaj BFF supracoŭničaje z adnym z pradpryjemstvaŭ Parku vysokich technałohij.
Płanujecca intensifikavać pracu z amatarami futboła, pakolki, pavodle słoŭ Niavyhłasa, prafiesijny ŭzrovień futboła staŭ apiaredžvać stvareńnie narmalnych umoŭ dla balelščykaŭ.
Prapanovy ŭdzielnikaŭ kanfierencyi buduć vyniesieny na zaćviardžeńnie vykankama BFF.