Mahiloŭ: Ułada paabiacała dapamahać biełaruskamoŭnamu školnictvu pry ŭmovie
Pry ŭmovie, što inicyjatyva budzie sychodzić ad baćkoŭ.
Spryjać adkryćciu biełaruskamoŭnych kłasaŭ u Mahilovie abiacaje miascovaja ŭłada. Namieśnik staršyni harvykankama Ihar Šardyka abumoviŭ, adnak, pazicyju haradskoj viertykali ŭ hetym pytańni najaŭnaściu adpaviednych inicyjatyŭ z boku baćkoŭ.
Pavodle čynoŭnika, biełaruskaja mova ŭ Mahilovie zapatrabavanaja.
Šardyka: «Na pačatku hetaha navučalnaha hoda ŭ horadzie nie było nivodnaha kłasa ź biełaruskaj movaj navučańnia. Źjaviŭsia popyt baćkoŭ, i adkryŭsia biełaruskamoŭny kłas. Pry najaŭnaści achvotnych i ŭ nastupnym hodzie budzie razhladacca pytańnie ab mahčymaści isnavańnia takich kłasaŭ.
Ułada zacikaŭlenaja ŭ vyrašeńni hetaha pytańnia».
U adzinaj biełaruskamoŭnaj kłasie pieršaj mahiloŭskaj škoły vučycca troje dzietak. Ich baćki zaniatyja pošukami achvotnych vučycca ŭ hetym kłasie. Jany sami rasklejvajuć abviestki, dajuć rekłamu ŭ haziety i na telebačańnie. Nieŭzabavie pačnuć chadzić pa škołach i raspaŭsiudžvać buklety z zaprašeńniem u biełaruskamoŭny kłas. Vykazvańnie čynoŭnika ŭściešyła baćkoŭ. Ciapier, kaža maci adnoj z vučanic Nadzieja Sałaŭjova, u nas źjaviłasia mahčymaść źviarnucca da kankretnaha čynoŭnika z našymi kłopatami.
***
Ihar Šardyka zajmaje pasadu namieśnika staršyni harvykankama sa žniŭnia 2010 hoda. Raniej jon pracavaŭ u Mahiloŭskim dziaržaŭnym univiersitecie imia Kulašova. U harvykankamie jon kuryruje pytańni ideałohii, adukacyi, kultury. Jon kandydat histaryčnych navuk.