Samaj pryhožaj studentkaj Minska pryznanaja Dyjana Hryhalčyk z BDEU
Na konkursie siarod studentak staličnych VNU «Krasa Minska», finał jakoha prajšoŭ 12 listapada, pieršaje miesca zaniała Dzijana Hryhalčyk ź Biełaruskaha dziaržaŭnaha ekanamičnaha ŭniviersiteta, druhoje — Taćciana Rykaviec ź Mižnarodnaha instytuta pracoŭnych i sacyjalnych adnosinaŭ, treciaje — Hanna Hvanoŭskaja ź Biełaruskaha dziaržaŭnaha ŭniviersiteta fizičnaj kultury.
Vynikovamu konkursu papiaredničali čatyry paŭfinały, jakija prachodzili apošnija šeść tydniaŭ. Z bolš čym 40 pretendentak žury vybrała 15 dziaŭčat, jakija na finalnym konkursie pradstavili vizitku, tvorčy numar i try defile — u kupalnikach, viačernich sukienkach i ŭborach u styli casual.
Pieramožca konkursu «Krasa Minska» atrymała ŭ padarunak pucioŭku na dvaich u Tajłand, dziaŭčaty, jakija zaniali druhoje i treciaje miescy, — noŭtbuki.