Materyjały «prasłuchoŭki» KDB sa spravy Bajkovaj
U zavieršanym KDB rasśledavańni kryminalnaj spravy ŭ dačynieńni da Śviatłany Bajkovaj znachodziacca siensacyjnyja materyjały, jakija staviać pad sumnieŭ zakonnaść jaje kryminalnaha pieraśledu.
Jak pišuć «Biełaruskija naviny», adnačasova hetyja dakumienty kampramietujuć supracoŭnika MUS, jaki ŭvachodziŭ u skład śledčaj hrupy pa rasśledavańni hučnych karupcyjnych złačynstvaŭ na mytnaj miažy Biełarusi, jakuju i ŭznačalvała starejšy śledčy pa asabliva važnych spravach Hienprakuratury Bajkova.
Havorka idzie ab pratakołach prasłuchoŭvańnia zapisaŭ telefonnych pieramovaŭ pamiž abvinavačvanym u stvareńni złačynnaj arhanizacyi hramadzianinam FRH Paŭłam Małočkam i aficeram milicyi, jaki ŭ publikacyi budzie fihuravać pad psieŭdanimam «Padpałkoŭnik».
«Prasłuchoŭka» była sankcyjanavanaja prakuraturaj i viałasia KDB na praciahu dvuch miesiacaŭ.
Aznajomiŭšysia z hetymi zapratakaliravanymi razmovami, advakat Śviatłany Bajkovaj Michaił Vołčak źviarnuŭsia ŭ Hienieralnuju prakuraturu sa skarhaj na biaździejnaść orhana, jaki viadzie kryminalny praces u dačynieńni da jaho padabaronnaj.
U pryvatnaści, jon źviartaje ŭvahu na toje, što «ŭ materyjałach złučanaj u adnoj vytvorčaści kryminalnaj spravy № 10068930031, raspačataj staršyniom KDB Respubliki Biełaruś
Na dumku abaroncy, papiarednim śledstvam pravavaja acenka supraćpraŭnym dziejańniam aficera milicyi była nie dadzienaja naŭmysna. Advakat ličyć, što «Padpałkoŭnik», «zbłakiravaŭšysia z abvinavačvanym Małočkam P. U.», vykarystoŭvaŭ svaje słužbovyja paŭnamoctvy na škodu kryminalnym spravam, jakija rasśledavała Bajkova, čym «faktyčna padarvaŭ aŭtarytet orhanaŭ unutranych spravaŭ».
«Jak starejšy śledčy pa asabliva važnych spravach HUPR MUS, što ŭvachodziŭ u skład śledčaj hrupy prakuratury Respubliki Biełaruś, kiraŭnikom jakoj była Bajkova S.A., — asabliva padkreślivaje ŭ svajoj skarzie Michaił Vołčak, — jon mieŭ dostup da materyjałaŭ kryminalnaj spravy, złoŭžyvaŭ uładaj i naŭmysna vydavaŭ dadzienyja daznańnia i papiaredniaha śledstva hramadzianinu Hiermanii Małočku P.U.».
Abaronca śledčaha Hienprakuratury pryvodzić kankretnyja prykłady z pratakołaŭ čekisckaj «prasłuchoŭki».
Zapis «prasłuchoŭki» ad
Małočka: Dobra, ja joj tak budu kazać, što pad treciuju, jana skaža, što navošta treciaja, treba pieršaja, jana sama skaža.
«Padpałkoŭnik»: Kali skaža, ale lepš ty kažy pra pieršuju, budzie pryhažej vyhladać.
Małočka: Pačakaj, my pakul śpiašacca nie budziem, ty joj abmaluj, a rabić ci nie rabić — voś kali tak jašče pytańnie pastavić — skažy…
«Padpałkoŭnik»: Stojcie spakojna, vas nichto nie pytaŭsia.
Zapis «prasłuchoŭki» ad
Ty lehalizavaŭsia, abvinavačańnie tabie pradjaŭlenaje. Dašlicie mnie spravu ŭ Hiermaniju, ja admaŭlajusia ad svaich pakazańniaŭ, i mnie naohuł ničoha nie strašna, tak? Kali ty ź joj budzieš ćviorda havaryć, jana dziesiać razoŭ padumaje.
Zapis «prasłuchoŭki» ad
«Pa Karnieju ŭ nas niama ruchu, tak… I jašče niejki tut „Bi El Viraž Trejdynh“. Nu tut tak pajšło 30 štuk… Ja hladžu, što Karniej raniej nidzie nie fihuravaŭ. Jašče tut niejki „San Fast
Advakat Bajkovaj ličyć, što ŭ dziejańniach aficera MUS jość prykmiety złačynstva, a tamu jon prosić Hienprakuraturu raspačać kryminalnyja spravy pa č. 2 art. 407 («Razhałašeńnie dadzienych daznańnia, papiaredniaha śledstva abo zakrytaha sudovaha pasiedžańnia») i č.3 art. 424 («Złoŭžyvańnie ŭładaj ci słužbovymi paŭnamoctvami»).
Dziŭnyja hulni
Michaił Vołčak vykazaŭ ździŭleńnie pazicyjaj KDB:
— Ja bolš za sorak hadoŭ žyćcia addaŭ słužeńniu zakonu, z mnohim davodziłasia ŭ pracy sutykacca, ale tut… Jak juryst ja nie mahu sabie dazvolić cicha aburacca na kuchni. Supracoŭnik milicyi zdradžvaje intaresam słužby i praciahvaje słužyć, nie viedaju tolki voś, kamu? Bolš za toje, jon
Nahadajem, Pavieł Małočka źjaŭlajecca fihurantam dźviuch kryminalnych spravaŭ, u ich liku i jašče nie razhledžanaja sudom tak zvanaja «sprava Hramoviča» (byłoha namieśnika načalnika UKDB pa Bresckaj vobłaści).
Biznesoviec abvinavačvajecca ŭ stvareńni złačynnaj arhanizacyi i ŭdziele ŭ joj. Pavodle materyjałaŭ śledstva, hetaja hrupa niezakonna pieramiaščała tavary na mnohija miljony dalaraŭ praź biełaruskuju miažu. Škoda dziaržavie ŭ vyhladzie niedaatrymanych mytnych płaciažoŭ pieravysiła 30 miljardaŭ rubloŭ.
Pavodle vysnovaŭ papiaredniaha rasśledavańnia KDB, Śviatłana Bajkova niezakonna spyniła vyšuk Małočki i mieła na mecie vyzvalić jaho ad kryminalnaj adkaznaści.
Pavodle pastanovy ab pryciahnieńni ŭ jakaści abvinavačanaj, śledčy Hienprakuratury «kansultavała, infarmavała, papiaredžvała i h.d." Małočku, kab toj paźbieh adkaznaści. Adnak pratakoły čekisckaj «prasłuchoŭki» kankretna pakazvajuć, što hetym zajmałasia NIE JANA. Voś tolki niezrazumieła, čamu paŭhoda ŭ SIZA KDB praviała Bajkova, jakaja ciapier rychtujecca źjavicca pierad sudom, a nie «Padpałkoŭnik», jaki ciesna supracoŭničaŭ ź fihurantam hučnaj spravy i «źlivaŭ» jamu tajamnicy śledstva?
Šmat cikavaha pačuli čekisty sa «ščyrych», častych i praciahłych telefonnych hutarak dalaravaha miljaniera i ścipłaha śledčaha MUS, na jakija ŭ svajoj skarzie spasyłajecca advakat. Dy tolki vysnovy «słuchačy», padobna, zrabili ałahičnyja.
Śledčy Hienprakuratury Bajkova «napružvała» padślednych, kab jany maksimalna pakryli dziaržavie škodu, naniesienuju mytnymi kryminalnymi schiemami. Pra heta śviedčyć, u pryvatnaści, pratakoł prasłuchoŭvańnia telefonnych pieramovaŭ ad 22 śniežnia 2009.
Małočka: Jana choča, kab my 5 młn viarnuli. Ja dumaju, što da infarktnaha stanu jana daviadzie ludziej chutka.
«Padpałkoŭnik»: Nu, heta značyć prykiń — 37 młrd na siońniašnija hrošy — heta bolš za 10 miljonaŭ dalaraŭ, tak?
Małočka: 37 miljardaŭ — heta 10 miljonaŭ dalaraŭ.
«Padpałkoŭnik»: Tak, heta navat bolš, heta miljonaŭ pad 12. I jana choča, kab Klim i Klejman pa 3 miljony dalaraŭ unieśli? Niachaj 5, tak, vy raśpišacie 5 na čaćviarych pa miljonie ź lišnim.
Małočka:
«Padpałkoŭnik»: Dziela čaho?
Sapraŭdy, dziela čaho? Nastupny frahmient hutarki Naviny.by publikujuć śpiecyjalna dla ministra ŭnutranych spravaŭ Anatola Kulašova i hienieralnaha prakurora Ryhora Vasileviča.
«Padpałkoŭnik»: Hetyja ž ludzi z bolš surjoznymi pasadami, čym Anatoljeŭna, jana zvyčajny śledčy, jaje zžaruć u try siekundy, kali treba budzie zžerci.
Małočka: Tak, jana prosta była vyhadnaja Vovu Navumavu. Jak Vovu prybrali, tak šyški i pasypalisia.
«Padpałkoŭnik»: Tak, chto za jaje pojdzie zastupacca? Nichto nie pojdzie.
Małočka: Moža, hety pojdzie. Jak jaho…
«Padpałkoŭnik»: Kulašoŭ?
Małočka: Nie, nie Kulašoŭ.
«Padpałkoŭnik»: Vasilevič dakładna nie pojdzie.
Małočka: Zam jahony. Jak jaho?
«Padpałkoŭnik»: Konan?
Małočka: Tak.
«Padpałkoŭnik»: A čaho jon pojdzie zastupacca? Jamu skažuć: «Viktar Alaksandravič, nie zajmajsia hłupstvam. Ty pracuješ? Idzi i pracuj spakojna».
Małočka: Jasna.
…Roŭna za dva miesiacy da aryštu Śviatłany Bajkovaj im užo ŭsio było jasna.