U Minsku student skraŭ skryniu ružaŭ
Kryminalnaja sprava na padstavie abvinavačańnia staličnaha studenta ŭ rabavańni (č. 1 art. 206 KK) rasśledavana ŭ Centralnym RUUS Minska i pieradadziena dla razhladu ŭ rajonny sud.
Jak paviedamili ŭ adździele infarmacyi i hramadskich suviaziaŭ HUUS Minharvykankama, złačynstva było ŭčyniena ŭ noč na 29 kastryčnika. Prahulvajučysia paśla dobraha zastolla kala ŭvachodu ŭ handlovy dom «Na Niamizie», małady čałaviek źviarnuŭ uvahu na kvietkavy łatok i skryniu, u jakoj zachoŭvalisia kvietki. Naviasny zamok akazaŭsia nie vielmi mocnym, i chłopcu dastatkova było ź siłaj rvanuć za ručku dźviercy.
Schapiŭšy achapku ružaŭ, jon paśpiašaŭsia źniknuć ź miesca złačynstva, ale byŭ zaŭvažany achoŭnikam handlovaha doma.
Sproba ŭciačy akazałasia biespaśpiachovaj, i chutka rabaŭnika zatrymali.
Abvinavačvanamu pahražaje da čatyroch hadoŭ pazbaŭleńnia voli, a materyjalny ŭron, naniesieny ŭładalniku łatka, aceńvajecca ŭ 80.500 rubloŭ.