U DTZ va Ukrainie zahinuła 40 čałaviek
Bolš za dziasiatak paciarpiełych znachodziacca ŭ ciažkim stanie. Taki vynik sutyknieńnia aŭtobusa i łakamatyva.
Bolš za dziasiatak paciarpiełych znachodziacca ŭ ciažkim stanie. Taki vynik sutyknieńnia aŭtobusa i łakamatyva.
Žachlivaje darožna-transpartnaje zdareńnie adbyłasia 12 kastryčnika ŭ 9:25 pa miascovym časie kala siała Maksimaŭka Nikapolskaha rajona Dnieprapiatroŭskaj vobłaści na nierehulavanym čyhunačnym pierajeździe, paviedamlaje «Koriespondient». Pavodle papiaredniaj infarmacyi, kiroŭca rejsavaha aŭtobusa, u jakim znachodziłasia kala 50 čałaviek, praihnaravaŭ sihnały śvietłafora i hukavuju sihnalizacyju. Manieŭrany łakamatyŭ, ź jakim i sutyknuŭsia aŭtobus, na momant zdareńnia znachodziŭsia ŭ zonie bačnaści. U vyniku sutyknieńnia zahinuła 40 čałaviek, zajaviŭ kiraŭnik ukrainskaha ŭradu Mikałaj Azaraŭ, kala 10 čałaviek mocna paciarpieli.
Prezident Viktar Janukovič zajaviŭ, što ŭ sieradu abjavić dzień žałoby.
Nahadajem, što ŭ aŭtorak 12 kastryčnika bujnoje DTZ zdaryłasia ŭ Polščy, dzie ŭ sutyknieńni mikraaŭtobusa i fury zahinuła 18 čałaviek.