Łukašenka padpisaŭ ukazy pra vyvaz jadziernaha paliva ŭ Rasieju za hrošy ZŠA
«My… nie źbirajemsia nikomu pradavać navat za vialikija hrošy hety (jadzierny) materyjał… My nie źbirajemsia rabić «brudnyja bomby», — skazaŭ Łukašenka ŭ krasaviku.
Tym nie mienš za, ukazam № 520 ad 8 kastryčnika Łukašenka ŭchvaliŭ prajekt pahadnieńnia z Rasijaj ab vyvazie na jaje terytoryju «apramienienaha i śviežaha vysokaŭzbahačanaha jadziernaha paliva daśledčych reaktaraŭ» z zamienaj jaho na nizkaŭzbahačanaje. Na padpisańnie hetkaha pahadnieńnia upaŭnavažany Viačasłaŭ Kuŭšynaŭ, hiendyrektar instytuta «Sosny», jaki zajmajecca atamnymi daśledavańniami.
Adnačasova ŭkazam № 521 ad 8 kastryčnika Łukašenka stvaryŭ «umovy dla akazańnia techničnaj dapamohi Uradam ZŠA pry vyvazie i abmienie jadziernaha paliva». Jon vyzvaliŭ ad padatkaabkładańnia ŭsie apieracyi pa vyvazie i zamienie jadziernaha paliva.
«Ministerstvu zamiežnych spraŭ Respubliki Biełaruś paviedamić pa dypłamatyčnych kanałach Urad ZŠA ab umovach akazańnia techničnaj dapamohi», — havorycca ŭ dakumiencie.
Zachavańnie paliva ŭ Biełarusi vyklikała b pytańni ŭ mižnarodnaj supolnaści. Vysokaŭzbahačanaje paliva moža być vykarystanaje pry raspracoŭcy zbroi masavaha paražeńnia.