Piać tysiač hramadzian aštrafavali z-za pažarnaj biaśpieki
Asnoŭnyja pryčyny štrafaŭ — niapravilnaje vykarystańnie piečak i elektrasietak. Pra heta paviedamiŭ Siarhiej Sałanovič, načalnik upraŭleńnia nahladu i prafiłaktyki MNS Biełarusi.
— U asnoŭnym hramadzianie nie prysłuchoŭvajucca da tych zaŭvah, jakija prapanoŭvajuć im orhany MNS, — kaža Siarhiej Sałanovič. — Naprykład, ludzi, što majuć piačnoje aciapleńnie, nie čyściać piečy i dymachody, nie praviarajuć ich na najaŭnaść treščyn. Pierad topkami adsutničajuć listy ź nieharučych materyjałaŭ pamieram 0,5 na 0,7 m. Prablema i ŭ tym, što ludzi časta karystajucca samarobnymi elektranahravalnymi pryborami. Uklučyŭ abahravalnik, zabyŭsia, pakinuŭ biez nahladu i h.d. A paśla my majem pažar u žyłym domie. Taksama harać chaty i
Jak paviedamiŭ spadar Sałanovič, sioleta ŭ Biełarusi adbyłosia 653 pažary z pryčyny parušeńnia ekspłuatacyi elektraabstalavańnia, elektrasietak i elektrapryład. A taksama 684 pažary z pryčyny parušeńnia praviłaŭ pažarnaj biaśpieki (u asnoŭnym pry vykarystańni piečak).
Siarhiej Sałanovič adznačyŭ taksama, što pa stanie na 1 kastryčnika ahledžana bolš za 1,5 młn pryvatnych domaŭładańniaŭ. Zroblena bolej za 5 młn zaŭvah. Piać tysiač čałaviek pryciahnutyja da administracyjnaj adkaznaści.