Jarmošyna paraŭnała Łukašenku sa źniavolenym
Viciebski pradprymalnik Uładzimier Pravalski padaŭ u CVK zajavu, u jakoj prasiŭ nie rehistravać hrupy Łukašenki, bo toj asabista nie padavaŭ svaje dakumientaŭ.
Lidzija Jarmošyna.
Viciebski pradprymalnik Uładzimier Pravalski padaŭ u CVK zajavu, u jakoj prasiŭ nie rehistravać hrupy Łukašenki, bo toj asabista nie padavaŭ svaich dakumientaŭ.
Jarmošyna patłumačyła, što dakumienty u CVK moža pieradavać davieranaja asoba. I kiraŭnik inicyjatyŭnaj hrupy Łukašenki Alaksandr Radźkoŭ mieŭ takija paŭnamoctvy.
Jana taksama zhadała minułyja miascovyja vybary, kali palitpryzyŭnik Franak Viačorka padavaŭ dakumienty nie piersanalna, a praz davieranuju asobu.
A ŭ prezidenckija vybary2006-ha hodu, taksama adznačyła Jarmošyna, padobnaja situacyja była ź Siarhiejem Skrabcom, jaki znachodziŭsia na momant padačy dakumientaŭ u CVK u śledčym izalatary.
Pravalski, u svaju čarhu, zajaviŭ, što ŭ adnu z vybarčych kampanijaŭ jaho nie zarehistravali kandydatam u deputaty, bo jon nie prysutničaŭ pa pasiedžańni vybarčaj kamisii, kali taja razhladała jahonyja dakumienty.
«Vychodzić, dla adnych zakon jość, a dla druhich — niama», — padsumavaŭ Pravalski.
Hetyja słovy prysutnyja ŭ zale sustreli apładysmientami.