Minčuki traciać za miesiac amal usio, što zarablajuć

Hrašovyja vydatki adnoj siamji ŭ Minsku ŭ siarednim za miesiac skłali 2,15 młn. rubloŭ, a prybytki - 2,19 młn.

Hrašovyja vydatki adnoj siamji ŭ Minsku ŭ I paŭhodździ hetaha hoda ŭ siarednim za miesiac skłali 2 młn 151,3 tys. rubloŭ, ź jakich 1715,1 tys. rubloŭ (79,7%) byli patračany na kuplu ježy i charčavańnie pa-za domam, apłatu tavaraŭ i pasłuh, astatnija — na ŭkłady i źbieražeńni, padatki, uznosy i inšyja płaciažy, vydatki na ŭłasnuju haspadarku.

Udzielnaja vaha spažyvieckich raschodaŭ u ahulnym abjomie hrašovych raschodaŭ u paraŭnańni z anałahičnym pieryjadam minułaha hoda źniziŭsia na 2,4%. Pry hetym pavialičyłasia dola układaŭ i źbieražeńniaŭ z 9% u I paŭhodździ 2009 h. da 11,4% u I paŭhodździ 2010 h.

Na nabyćcio ježy i charčavańnie pa-za domam u I paŭhodździ adna staličnaja siamja traciła ŭ siarednim za miesiac 650,8 tys. rubloŭ. Dola raschodaŭ pa hetym pakazčyku u paraŭnańni z I paŭhodździem 2009 h. źmienšyłasia na 0,9%. Vydatki na kuplu niecharčovych tavaraŭ pavialičylisia na 8,5%, na apłatu pasłuh — źnizilisia na 3,3%.

Z ahulnaha abjomu spažyvieckich raschodaŭ na kuplu adzieńnia, abutku, tkanin prychodziłasia 9% (u I paŭhodździ 2009 hoda — 8,6%), tavaraŭ kulturna-bytavoha pryznačeńnia, mebli — 5,5% (7,5%), pradmietaŭ asabistaha karystańnia i asabistyja pasłuhi — 3,5% (3,3%), na achovu zdaroŭja — 3,6% (3,2%), adukacyja, kulturu, adpačynak i sport — 7,8% (6,5%), transpart i suviaź — 17,5% (15,1%), apłatu žyllova-kamunalnych pasłuh — 7,7% (7,7%).

Najaŭnyja dachody ŭ raźliku na siamju ŭ siarednim za miesiac I paŭhodździa skłali ŭ Minsku 2 młn 198 tys. rubloŭ. U raźliku na adnaho čalca siamji ŭ dalaravym ekvivalencie heta bolš za $305 (904,6 tys. rubloŭ).

Udzielnaja vaha chatnich haspadarak z uzroŭniem siaredniedušavych najaŭnych dachodaŭ nižej za biudžet pražytačnaha minimumu ŭ studzieni-červieni hetaha hoda ŭ paraŭnańni sa studzieniem-červieniem 2009 zastałasia niaźmiennaj — 0,7%.

Amal pałova (47,8%) siemjaŭ Minska štomiesiac mieła ŭ svaim rasparadžeńni ŭ siarednim na čałavieka da 800 tys., 30% — ad 800 tys. da 1,2 młn., 22,3% — bolš za 1,2 młn.

U ahulnym dachodzie 69,5% składaje zarabotnaja płata i dachod ad pradprymalnickaj dziejnaści, 17,6% — piensii, stypiendyi, dapamožniki, 6,4% — materyjalnaja dapamoha ad svajakoŭ, 1,5% — dachod ad asabistaj padsobnaj haspadarki.

Kamientary da artykuła