Radzie intelihiencyi dali adstaŭku
Rada biełaruskaj intelihiencyi vyznačyła svaich pretendentaŭ u prezidenty i straciła niejtralnaść u hetym pracesie. Mienavita tamu 11 žniŭnia ŭdzielniki kruhłaha stała pa vyznačeńni adzinaha kandydata ŭ prezidenty ad demakratyčnych siłaŭ dali adstaŭku Radzie biełaruskaj intelihiencyi.
U jakaści «suciašalnaha pryza»
na nastupnym pasiedžańni ŭ piatnicu, 13 žniŭnia, staršyniavać na kruhłym stale budzie jašče staršynia Rady biełaruskaj intelihiencyi Uładzimir Kołas, a na nastupnych pasiedžańniach — udzielniki kruhłaha stała ŭ ałfavitnym paradku.
Takoje rašeńnie pryniataje ŭdzielnikami kruhłaha stała 11 žniŭnia. Pieršym estafietu staršyniavańnia prymaje staršynia AHP Anatol Labiedźka, i dalej — pa ałfavicie.
Staršynia arhkamiteta BSDP (Narodnaja Hramada) Mikoła Statkievič kaža, što ŭdzielniki kruhłaha stała padziakavali Radzie intelihiencyi za praviedzienuju pracu pa kaardynacyi dziejnaści pa vyznačeńni adzinaha kandydata.
Ale ŭ suviazi z tym, što Rada intelihiencyiŭsio-taki vyznačyła piaciorku svaich pretendentaŭ, jaje status niejtralnaha pasiarednika stračany.
A kruhły stoł praciahnie šukać vychad na adzinaha kandydata.