Handbalisty zhulali pa-roznamu
Hetym ŭik-endam biełaruskija mužčynskija handbolnyja kamandy zhulali svaje matčy ŭ eŭrapiejskich kubkavych turnirach.
Hetym ŭik-endam biełaruskija mužčynskija handbolnyja kamandy zhulali svaje matčy ŭ eŭrapiejskich kubkavych turnirach.
BHK imia Miaškova raspačaŭ hrupavy turnir Lihi čempijonaŭ matčam u haścioch sa švajcarskim «Šafhaŭzenam” i, na žal, biaźlitasna byŭ bity pradstaŭnikami alpijskaj krainy. Finalny śvistok zafiksavaŭ niesuciašalny dla bieraściejcaŭ vynik – 20:30.
Kolišni hrand eŭrapiejskaha handbołu mienski SKA ŭ ramkach Kubku kubkaŭ prymaŭ na svajoj placoŭcy mocny francuski «Iŭry» i prajhraŭ, choć vyhladaŭ zusim niabłaha. «Armiejcy» ŭvohule pieramahli ŭ pieršaj pałovie hulni, ale maładych biełarusaŭ nie chapiła na druhuju – 26:28. Niahledziačy na vynik trener SKA Spartak Miranovič zastaŭsia zadavoleny dziejańniami svajoj kamandy.
Zatoje jašče adnamu mienskamu klubu BDUFK adnaznačna padfarciła ź losavańniem. U supierniki «studentam» u Kubku EHF trapiŭ luksemburski «Berchiem». Biełarusy byli na hałavu macniej svajho supiernika – 34:21.
Nastupnyja matčy ŭ ramkach eŭrakubkaŭ projduć praz tydzień.